Obra rehabilitasaun estrada rural-sertu iha aldeia Manan, Suku Bene Ufe, Postu Administrativu Nitibe, RAEOA.
Nono Governu liu husi Ministru Adminitrasaun Estatal, Tomás do Rosário Cabral ne’ebe Akompaña husi Sekretáriu Ezekutivu PNDS, Amandio Paulino Gastão Do Rosário De Sousa observa direita obra rehabilitasaun estrada rural-sertu iha aldeia Manan, Suku Bene Ufe, Postu Administrativu Nitibe, RAEOA.
Uma ba manorin nain (Profesor/a) ne’ebe atinji ona 85%.
Obra rehabilitasaun estrada rural-sertu ne’e ho distansia kilometru ida ho montante $45,786.45. Iha observasaun ne’ebé mak Ministru Administrasaun Estatal halo ho komitiva katak implementasaun ba rehabilitasaun Estrada liu husi orsamentu tinan 2023 nian remata ona no entrega ona ba komunidade sira iha Suku Bene Ufe hodi bele hahú utiliza ona estrada ne’e.
Hafoin observa ba rehabiltasaun estrada rural-sertu iha a iha suku Bene Ufe Ministru Administrasaun Estatal kontinua hala’o observasaun ba progresu fisiku konstrusaun foun uma ba manorin nain (Profesor/a) ne’ebe konstrui ho orsamentu ba konstrusaun hamutuk $ 18.000,00 no obra refere implementa liu husi PNDS tuir desizaun ne’ebé mak deside iha reuniaun konsellu Suku nian iha tinan 2023 nian.
Tuir rezultadu husi observasaun ne’e, ekipa tekniku husi PNDS no mós badaen ne’ebé mak responsabiliza ba konstrusaun refere informa katak, kontrusaun oras ne’e atinzi ona pursentu 85 %no sei finaliza iha semana rua oin mai.
Desizaun ne’ebé mak konsellu Suku deside konsidera importante tamba, destakamentu profesor ka manorin nain sira iha Suku refere, kuaze manorin nain hirak ne’e sira nia naturalidade husi Munisipiu seluk tamba ne’e, presiza tebes atu bele harii uma ba manorin nain sira hodi bele utiliza no hela tuir profisaun ne’ebé mak sira assume.
