Ministru Administrasaun Estatal, Tomás do Rosário Cabral, ofisialmente tesifita ba inagurasaun Projetu PNDS iha suku sanirin.
Ministru Administrasaun Estatal, Tomás do Rosário Cabral akompaña husi Sekretáriu Ezekutivu PNDS, Amandio Paulino Gastão Do Rosário De Sousa hamutuk Presidente Autoridade Munisipiu Bobonaro, Alexandre Pires, inagura projetu PNDS tinan fiskal 2024 iha Suku Sanirin, Postu Balibo, Munisipiu Bobonaro.
Rehabilitasaun Estrada Rural Siklu VI ne’ebe hetan inagura husi Ministru Administrasaun Estatal.
Tipu projetu PNDS ne’ebe hetan inagura husi Ministru Administrasaun Estatal hanesan Rehabilitasaun Estrada Rural Siklu VI, tinan fiskal 2024 ho montante orsamentu $48. 750.00$ ho durasaun servisu fulan haat. Suku Sanirin kompostu husi Aldeia tolu mak hanesan Suba Lesu, Palaka no Kaku ho total Xefe Família hamutuk 660kk.
Quadru Projetu ba implementasaun projetu estrada rural.
Iha seremonia inagurasaun ne’e Ministru Administrasaun Estatal, Tomás do Rosário Cabral, hatete “Programa PNDS uluk iha Governu Sentral, agora entrega hotu ba iha Governu Munisipal, nune’e populasaun bele besik liu bá programa ne’e populasaun tenke sai na’in ba programa ne’e”.
Alende ne’e mos Xefe suku Sanirin, Francisco Tavares Reis, reprezenta komunidade suku Saniri, agradese tebes ba IX Governu liu husi Ministériu Administrasaun Eststál iha Programa Nasionál Dezenvolvimentu Suku ne’ebé implementa iha suku ne’e “Programa PNDS Siklu primeiru implementa iha suku ne’e mak irigasaun, ne’ebé fó duni benefisiu ba Ha’u-nia komunidade iha fatin ida ne’e, tanba iha fatin ida ne’e agrikultór sira halo produsaun hortikultura, durante ne’e sira hetan duni rendimentu husi irigasaun Be’e ne’ebé programa PNDS implementa, Ami husu atu bele kontinua nafatin, labele para de’it iha ne’e.Estrada ida ne’e nia distánsia metru 500, poupansa husi Estrada ida ne’e sira aumenta tan , tanba ne’e ami agradese tebes ba programa PNDS”.
Iha serimónia inaugurasaun ne’e marka prezensa hosi Xefe Gabinete MAE, Diretores Nasionais MAE, Administrador Postu Administrativu, Sekretaris Munisipais no Diretores Servisus Munisipais,Comandante PNTL Esqudra Balibo, Xefe Suku,no Komunidade.
