Ministru Administrasaun Estatal Tomás do Rosário Cabral, simbolikamente tesifita ba inagurasaun obra PNDS.
Membru Governu Konstitusional liu husi Ministru Administrasaun Estatal Tomás do Rosário Cabral hamutuk Sekretáriu Estadu Formasaun Profisionál no Empregu, Rogério Araújo Mendonça ofisialmente inagura projetu konstrusaun Moru Escola, Sala Aula Rua inklui Dapur ida ba Merenda Escolar iha Eskola Bázika Sentrál Públiku Beadi
Sekretariu Ezekutivu suku Aiteas, Postu Administrativu Manatuto Villa, Munisipiu Manatuto.
Eskola Bázika Sentrál Públiku ne’ebe hetan inagura husi Ministru Administrasaun Estatal.
Iha inagurasaun ne’e Ministru Administrasaun Estatal, husu ba professor no estudante sira atu quidadu escola ne’e atu ne’e obra ne’ebe implementa liu husi PNDS bele dura ba tempu naruk. Membru Governu Konstitusional ne’e mos apresia ba servisu ekipa PNDS Munisipiu Manatuto ne’ebe esforsu makas hodi bele finaliza obra ne’e ho rejultadu diak.
Ministru Administrasaun Estatal, husu ba diretór servisu agrikultura atu kuda aifuan hodi uza ba merenda eskolar, no husu ba agrikultur atu hare mós be’e ba eskola atu nune’e bele fasilita estudante sira kuda aifunan no aifuan ruma.
Obra konstrusaun Moru Escola, Sala Aula Rua inklui Dapur ida ba Merenda Escolar ne’e finansia husi Governu no implementahusi liu husi PNDS iha suku Aiteas orsamentu ba obra ne’e $35.000. partisipa iha seremonia ne’e Xefi Gabineti MAE, Prezidente Autoridade Munisipal Manatuto, Diretor Jéral Desentralizasaun Governu Lokal, Diretora Jéral Simplifikasaun Modernizasaun Administrasaun Lokal, Diretor/a Nasionál MAE, Diretor Servisu Munisipal Manatuto, Komandante PNTL Munisípiu Manatuto, Xefe Suku, Manorin nain no Estudante EBC Públiku Beadi.
