Vise Ministru Administrasaun Estatal, Jacinto Rigoberto Gomes de Deus no ekipa vijita fatin lansamentu projetu PNDS Siklus V iha suku Uma Caduac.
Ministeriu Administrasaun Estatal liu husi Vise Ministru Administrasaun Estatal, Jacinto Rigoberto Gomes de Deus ne’ebe akompaña husi Sekretariu Executivo PNDS, Amandio Paulino Gastão Do Rosário De Sousa hamutuk Presidente Autoridade Munisipal Manatuto, hala’o lansamentu ba projetu Siklus V ba obra Konstrusaun Escola Basica Central EBC ho orsamentu Projetu Suku US,41,643.30 iha Aldea Ilimanu, Suku Uma Caduac, Posto Administrativo Laclo, Munisipiu Manatuto.
Chefe Suku Uma Caduac, tara tais ba Vise Ministru Administrasaun Estatal.
Vise Ministru Administrasaun Estatal, iha nia intervensaun hatete, nuno Governu iha komitmentu no tau nafatin prioridade as ba programa PNDS, maibe governo sei halo mudansa ba iha matadalan ho ninia mecanismo de implementasaun, to agora implementasaun PNDS sei jere direita husi nasional maibe mai oin depois autoridade sira estabelese hotu ona tinan oin 2025 orsamentu PNDS mak sei aloka direita ba kada munisipiu no hahu agora direktor munisipiu ho ninia ekipa tomak sei kontrolo direita relatorio iha nivel municipio, no nasional so halo fiskalizasaun no akompanhamentu deit.
Vise Ministru Administrasaun Estatal, entrega livru dezenu ba ekipa sira ne’ebe implementa projetu PNDS.
Vise Ministru Adminitrasaun Estatal mos husu ba autoridade lokal sira servisu hamutuk ho Ekipa Jestaun Suku no mos kumunidade, tekniku sira atu halo akompanamentu monotorizasaun ba implementasaun Programa PNDS ne’ebe se paradu hela e atu kontinua uma naroman ba povu ka ou PNDS normal ka tenki kontinua aselera progresu hodi nune osan sira ne’e bele implementa hotu para wainhira iha futuru 2025 osan PNDS nian kuandu aloka ona mai kada munisipio osan ida agora dadauk iha suku ne la bele eziste ona, maibe husu para ida ne’e se la kontinua tamba Sistema tuir Lei opta Sistema anual to fim do ano tenki iha relatoriu no halo prensesaun de kontas. Tamba ida ne’e PAM no Diretor PNDS apela husu para hotu-hotu iha konsiensia iha vontade no iha komitmentu para atu bele apoiu programa PNDS ne’e atu bele lao ba oin hodi susessu ho diak.
Vise Ministru Administrasaun Estatal, ofisialmentu lansa projetu PNS siklus V iha suku Uma Caduac.
Iha lansamentu ne’e mos Sekretariu Executivu PNDS, Amandio Paulino Gastão do Rosario de Sousa hatete katak lansamentu projetu ida ne’e centraliza iha Suku Uma Caduac ne’ebe reprezenta 31 sukus hahu ohin hala’o ona projetu ba orsamnetu jeral ratifikativu 2023 no inklui mos teritoriu Timor laran tomak no agora dadauk mos prepara ono orsamentu jeral 2024, iha orientasaun Ministro Administrasaun Estatal katak iha fulan Febreiru tenki mos halo lansamentu ba projetu 2024, Sekretariu Ezekutivu mos husu ba komunidade sira hotu li-liu ba lideransa komunitaria Xefe Suku, Xefe Aldea atu kolabora hamutuk ho ekipa EJS hodi prepara planu ba orsamentu jeral 2024 atu nune’e programa ne’ebe implmenta liu husi PNDS bele lao ho diak.
Alende ne’e mos Presidente Autoriadade Munisipal Manatuto, hateten, iha Lansamentu Primeira Pedra atu ekipa PNDS nia esforsu tomak ba osan dadauk retifikativu bele tama ona iha konta suku sira nian, ba Xefe Suku sira Projetu PNDS ne’e hakarak liu mak ita nia partisipasaun iha desizaun fo prioridade ita rasik ba saida mak ita presiza iha nivel suku, entaun projetu ida ne fo fiar ba ita atu ita mk deside atu implementa, fiar ida ne’ebe governo central liu husi PNDS fo ba ita la bele husik monu deit, tamba ne’e mak hare ba konstrusaun ho osan lansa prosesu aprovisoriomentu kompanha balu mos lakoi atu kompete tamba ho US,41,643.30 deit laos atu hahu mais tenki destroi uluk tan, mais tamba deit ita nia vonatade hakarak hahu halo desenvolvimentu ho rekursu osan nebe naton entaun ita mos tenki hatudu ba governu central ho ita nia kbit atu halo ho limitasaun orsamentu nune entaun fo fiar tan mai ita, mais ne ita mos tenki hatudu ita nia vontade atu servisu ho responsablidade. Espera ba futuru orsamentu ne’ebe ba PNDS iha nivel Munisipiu se aumenta tan tamba iha tinan ida ne’e implementasaun osan ne’be foin tama husi orsamentu ratifikativu no aumesmu tempu mos iha fulan tuir mai tan implementasaun ba orsamentu 2024 nian.
