Obra Residensia ba mediku iha suku Goulolo.
Vise Ministru Administrasaun Estatal, Jacinto Rigoberto Gomes de Deus ne’ebe Akompaña Sekretáriu Ezekutivu PNDS, Amandio Paulino Gastão Do Rosário De Sousa ofisialmente inagura projetu konstrusaun moru ho residensia ba mediku iha suku Goulolo, Postu Administrativu Cailaco, Munisipiu Bobonaro.
Projetu konstrusaun moru ne’ebe implementa iha suku Goulolo.
Iha intervensaun, Vise Ministru Administrasaun Estatal, hateten “hare ba Moru ho Rezidénsia rua ne’e ho kualidade ne’ebé mak di’ak tebes, Ami hotu-hotu mai iha ne’e sai hanesan sasin de’it ba imi-nia hakarak no responsabilidade ne’ebé mak iha, tamba ne’e agradese no apresia parte hotu-hotu ne’ebé mak foti desizaun nomós ba hotu-hotu ne’ebé mak envolve iha prosesu konstrusaun hirak ne’e. Ha’u tenki apresia ba imi-nia esforsu no imi-nia kontribuisaun, vontade no responsabilidade, tamba osan ne’e fó ba ita mak sei uza no jere halo di’ak”.
Seremonia inagurasaun projetu PNDS ne’e tama iha Siklus V ho Siklus VI ne’ebe konstrui Moru ho Rezidénsia rua ba Médiku. konstrusaun Rezidensia Pessoal Saude ho montante orsamentu $23.676.06 ho duransaun servisu fulan 4 no Konstrusaun Moru montante orsamentu $37.173.11. ho dursaun servisu fulan 4 ne’ebe komunidade mak implementa Iha seremónia inaugurasaun ne’e marka prezensa hosi Prezidente Autoridade Munisípiu Bobonaro, Komandante PNTL, Diretor PNDS Munisípiu, Autoridade Komunitariu no Komunidade sira.
