Vise Ministru Administrsaun Estatal, Jacinto Rigoberto Gomes de Deus, hala’o dialogu ho komunidade suku Mane-Lobas.
Ministeriu Administrasaun Estatal liu husi Vise Ministru Administrsaun Estatal, Jacinto Rigoberto Gomes de Deus Akompaña husi Sekretariu Ezekutivu PNDS, Amandio Paulino Gastão Do Rosário De Sousa hala’o monitorizasaun no dialogu komunitariu ba programa ne’ebe implementa husi PNDS iha suku Mane-Lobas, Postu Maubessi.
Estrada Betaun ne’ebe implementa husi PNDS.
Iha intervensaun dialogo ho Komunidade sira, Sua Exelénsia Vice Ministro MAE, hateten “Depois de hau fo volta Timor laran tomak hau rona prekupasaun Komunidade no Autoridade Lokal, sempre hateten katak, programa PNDS diak tebes-tebes no husu Governu labele hapara, maibe kontinua nafatin. Vice Ministro MAE, mos hatutan katak, simu relatorio husi nivel nasional no husi suku Atus Hat Resin, ami sei nota katak, husi suku sira ne’e hotu balun lao no atinji ezekusaun 100%, maibe balun deste tinan 1 to ba 3 nia laran sei parado hela.
Entaun ida ne’e sai prekupasaun no dever ba Ministerio no Membru do Governu ida ne’ebe tau matan ba asuntu ida ne’e atu buka hatene problema iha neebe no buka solusaun. Ami mos hetan chamada de antensaun husi Sua Excelencia Primeiru Ministru atu supervisiona no akompanha implementasaun programa PNDS ne’e ho diak. Entaun ami nia dever moral tenki tun duni mai hasoru ita bo’ot sira”.
Depois Dialogo remata Exmo. Sekretariu Ezekutivu PNDS hamutuk ho Vice Ministro MAE akompaña husi Administrador Posto Maubisse no Direitor PNDS Munisipiu Ainaro nomo’s Autoridade lokal, tun direita ba terenu hodi halo Monitorizasaun ba Progresu Impementasaun Programa PNDS iha terenu. Iha aktividades ne’e marka prezensa mos hosi Aministrador do Postu, Komandante PNTL Eskudra Postu, Xefi Suku no Komunidade.
