Prezidente Autoridade Munisipiu Baucau, Antonio Guterres Hala’o Intervensaun iha Seremonia Inaugurasaun Be’e ba Natar iha Suku Uatu-haco, Postu Administrativu Venilale, Munisipiu Baucau.
Inaugurasaun ba Mini Irigasaun Be’e ba Natar ne’e partisipa husi Prezidenti Autoridade Munisipiu Baucau, Antonio Guterres, Diretora PNDS, Diretur DNAS MAE, Team Leader Partisipa, Administrador Postu Venilale, Diretor Delegasaun PNDS Munisípiu Baucau, Komandante Polisia Eskuadra Venilale, Chefe Suku Uatu-Haco no Komunidade Aldea Liabala, aktividade inaugurasaun ne’e realiza 24/01/2020
Implementasaun Programa PNDS iha suku Uatu-haco iha projetu rua, projetu ida mak konaba Mini Irigasaun ne’e rasik no projetu seluk mak konaba projetu Estrada rural iha Aldeia Osogori, enkuantu Konstrusaun Mini Irigasaun Be’e ba Natar hektares 3 ital ne’e hari iha Fatin Abagata Aldeia Liabala, Suku Uatu-haco, Postu Venilale, Munisipiu Baucau ho total Orsamentu hamutuk $41,538.75 no Volume Irigasaun hamutuk 1000M. 3 Unit Cuptering (Intake), Uma kain ne’ebé partense ba iha Irigasaun ne’e hamutuk 148 ho total komunidade hamutuk 746, feto 351 no mane 395, iragasaun ne’e mos fornese be’e ba populasaun Uaibobo ne’ebe mak pertensi ba suku bado-ho
Fiona Hamilton Nudar Team Leader PARTISIPA, Sente Orgulhu bele Partisipa iha Inaugurasaun Be’e ba Natar iha Suku Uato-haco.
Iha intervensaun Prezidenti Autoridade Munisipiu Baucau, Antonio Guterres apresia tebes ho irigasaun ne’ebé hala’o iha Suku Uatu-hako ne’ebe benifisia komunidade sira tanba obra ne’e bele finaliza ona hodi benefisia komunidade iha suku refere, nune’e Prezidenti Autoridade Munisipiu Baucau agradese ba estrutura PNDS tomak ne’ebé kapasita ona komunidade liu-liu iha area Finansas, Sosial no Tékniku hodi nune’e komunidade sira iha koineshementu diak hodi bele finaliza projetu ne’e. mesmu ho orsamentu ki’ik maibe Infraestrutura ne’ebé hari’I iha suke refere benefisia direita komunidade nia nesesidade baziku no rendimentu ekonomia komunidade nia rasik.
Iha oportunidade hanesan Diretora Nasional ST-PNDS, Dulce Guterres Junior informa Katak hare ba planu ne’ebe Governu planea foka ba Agrikultura sai hanesan Planu Prioridade Governu nian, nune’e liga ba Menu Indikativu ne’ebé PNDS iha liu-liu Prioridade Irigasaun ho Eskala Ki’ik ba iha Suku sira ne’ebe Benifisiarius, tanba ne’e mak iha Munisípiu Baucau PNDS hari ona 26 Projeitus iha Munisipiu Baucau, 25 projeitus iha Munisípiu Baucau atinji ona 75%, husi 26 projeitus ne’e rasik ita kansela projeitu ida iha Suku Vemasi Tasi.
Chefe Suku Uatu-haco, Crizoson Correia hato’o nia Agradese no Sentimentu Kontenti Tanba Liu Husi PNDS Bele rona Komunidade Suku Uato-haco nia lia.
Fiona Hamilton nudar Team Leader PARTISIPA ne’ebé partisipa mos iha serimonia inagurasaun ne’e espresa sentimentu orgulhu tanba bele partisipa iha inagurasaun ne’e no hare katak komunidade rasik iha suku ida ne’e mak deside rasik hodi halo mudansa ne’ebé bele fo impaktu positivo ba iha komunidade rasik, Lider Masimu PARTISIPA ne’e reafirma mos katak PNDS nudar Programa Governu Timor-Leste nia ne’ebé iha parseria ho Governu Australia liu husi PARTISIPA hodi fo assistencia teknika ne’ebe mak bele kapasita mos komunidade sira hodi gere orsamento no implementasaun ho finalidade obra ne’ebé ho kualidade diak tebes.
Nune’e mos Chefe Suku Uatu-haco, Crizoson Correia espresa sentimentu kontenti tanba liu husi programa PNDS bele rona no hatan komunidade Aldeia Liabala sira nia halerik ne’ebé mayoria komunidade Aldeia Liabala Moris ho Vida Agrikultura, tanba ne’e chefe do suku ne’e husu atu fo kapasitasaun ba EJS suku atu nune ba futuru bele organija enkontru ho diak.
