Atu hadi’ak liu tan jestaun oinsá atu jere didi’ak dadus kona-ba asuntu sosiál, finansas nomos tékniku husi munisípiu 12 ho RAEOA ba implementasaun programa PNDS, sekretariadu Tékniku Programa Nasionál Dezenvolvimentu Suku (ST-PNDS) liu husi MIS (Management Information System) realiza treinamentu ba MIS no Konstabilista husi municipiu 12 no RAEOA iha Etda Dili (02/052016).
Ekipa MIS husi Munisipiu, partisipa hela treinamentu kona-ba base de dadus
Direktur Interino no Actual hanesan Chefe Unidade Administrasaun Finansas Programa PNDS Secundino Freitas Moreira, nu’udar diretora Interinu programa PNDS, iha ninia intervensaun hatete katak: Treinamentu ida ne’e importante tebes ba prosesu relatorio inklui finansas, oinsa bele entry data tuir Sistema MIS no aumenta tan MIS no Konstabilista sira nia abilidade liu-liu iha area Jestaun Sistema Informasaun (MIS), atu nune’e bele jere di’ak liu tan dadus kona-ba implementasaun programa iha ida-idak nia munisípiu.
Jalaluddin Hameéd, nu’udar assessor ba iha MIS hamutuk ho nia ekipa fasilita treinamentu ida ne’e ho di’ak tebes, alende halo introdusaun jerál kona-ba oinsá atu jere dadus programa ninia iha sistema baze de dadus nomós halo simulasaun ou pratika oinsá munisípiu ida-idak bele organiza no hatama dadus iha sistema ne’ebe dezenvolve ona husi MIS.
Jalaluddin Hameed, nu’uda asessoria ba MIS fo hela introdusaun kona-ba mekanismu treinamentu
Treinamentu ida ne’e hetan apresiasaun husi partisipante sira, tanba bele dezenvolve tan kapasidade iha area ida ne’e liu-liu atu jere dadus informasaun iha sistema ne’ebe estabelese ona husi MIS.
Programa treinamentu ne’e hala’o durante loron hát neebé fahe ba gropu rua partisipa husi MIS no Konstabilista husi municipiu Munisípiu 12 ho Rejiaun Espesiál Oe-Cusse, funsionáriu PNDS Nasionál nomós hetan observasaun husi parseiru sira ne’ebé durante ne’e fó sira nia apoiu ba implementasaun Programa PNDS
