Diretor Nasionál Patrimoniu no Logistika PNDS, Rogerio Muakandala Manuel, iha seremonia Lansamentu Fatuk Dahuluk ba Konstrusaun estrada foun Iha Suku Vatovou.
Diretor Nasionál Patrimoniu no Logistika PNDS, Rogerio Muakandala Manuel ne’ebe reprezenta Sekretariu Ezekutivu PNDS hala’o Lansamentu Fatuk Dahuluk ba Konstrusaun estrada foun Iha Suku Vatovou ne’ebe akompaya husi Presidente Autoridade Munisipiu Liquisa, Paulino Ribeiro ho Diretora Servisu Munisipiu Apoiu PNDS Munisipiu Liquisa.
Lansamentu ba projetu konstrusaun estrada foun ne’e konstrui husi Programa Nasional Dezenvolvimentu Suku Siklus 7 ho distansia estrada 8 km ho orsamentu husi Governu Timor-Leste total $33.000. iha seremonia lansamentu fatuk dahuluk ne’e partisipa husi Administrador Postu Administrativu, Komandante PNTL Munisipiu Liquiça, Chefe do Suku no Komunidade Sira iha Suku Vatuvou Aldeia Gariana inklui komunidade suku refere.
Lansamentu hatur fatuk dahuluk ba Konstrusaun estrada foun Iha Suku Vatovou.
Alende hala’o lansamentu hatur fatuk dahuluk ba konstrusaun estrada foun Diretor Nasionál Patrimoniu no Logistika PNDS ho Diretora Servisu Munisipiu Apoiu PNDS Munisipiu Liquisa kontinua hasoru malu ho Sekretáriu Ezekutivu PNDS, Amandio Paulino Gastão do Rosario de Sousa, ekipa husi SEDL no PDIM iha difisiu PNDS Munisipiu Liquisa.
Sekretáriu Ezekutivu PNDS, Amandio Paulino Gastão do Rosario de Sousa ho Ekipa hasoru malu ho Diretora Servisu Munisipiu Apoiu PNDS Munisipiu Liquisa.
Iha hasoru malu ne’e Sekretáriu Ezekutivu PNDS, esklarese ba Diretora Servisu Munisipiu Apoiu PNDS Munisipiu Liquisa katak Ekipa Sekretáriu Estadu Dezenvolvimentu Lokal, Planu Dezenvolvimentu Integradu Munisipal hamutuk ho Ekipa Programa Nasional Dezenvolvimentu Suku forma ekipa konjunta ida halo Monitorizasaun Projetu 2024 nian ne’ebé mak agora iha hela prosesu konstrusaun no rehabilitasaun nune’e mós preparasaun simu Sua.Exelencia, Sekretáriu Estadu Dezenvolvimentu Lokal sei vizita Munisipiu Liquisa iha tempu badak.
Iha fatin Diretora Servisu Munisipiu Apoiu PNDS Munisipiu Liquisa, hatan ba klarifikasaun husi vizita Sekretáriu Ezekutivu PNDS, ne’e Diretora Servisu Munisipiu Apoiu PNDS Munisipiu Liquisa prontu ho ekipa konjunta ne’ebe lidera husi Sekretáriu Ezekutivu PNDS rasik hodi hala’o Monitorizasaun ba Projetu sira iha tinan 2024 nian ne’ebé mak agora iha hela prosesu konstrusaun no rehabilitasaun atu nune’e bele relata ba Sua.Exelencia, Sekretáriu Estadu Dezenvolvimentu Lokal wainhira vizita iha Munsiipiu Liquisa.
