Komunidade Suku Vaviquinia, Postu Administrativu Maubara, Munisipiu Liquisa Partisipa iha Soromutu Konaba Metode Metaplan Ne’ebé Hala’o Iha Sira Suku.
Atu kordena diak liu tan servisu to iha baze kona-ba Implementasaun Programa PNDS Sekretariadu Tékniku Programa Nasional Dezenvolvimentu Suku (ST-PNDS) implementa atividade pilotu kona-ba METAPLAN ne’ebé hala’o iha suku 3 hanesann Suku Vaviquinia, Suku Lalawa no Suku Laubuno durante semana.
Autoridade Suku Lalawa, Postu Administrativu Tilomar, Munisipiu Covalima, Abertura atividade Metaplan iha Sira nia Suku.
Objetivu husi atividade METAPLAN ne’e atu identifika no fasilita komunidade sira hodi hamosu idea no hanoin hodi bele hadia sira nia moris liu husi produktu potensiál iha sira nia suku ne’ebé iha relasaun ho projeitu infrastrutura báziku ne’ebé PNDS estabelese tiha ona.
Suku ne’ebé sai targetu pilotu ba atividade METAPLAN mak suku Vaviquinia iha Postu Administartivu Maubara, Munisípiu Liquisa, Suku Lalawa, Posto Administartivu Tilomar, Munisípiu Covalima no Suku Laubuno, Postu Administrativu Atsabe, Munisípiu Ermera.
Iha atividade pilotu ba METAPLAN ne’e hetan antusiasmu husi partisipante ne’ebé mai husi aldeia no husi sira nia suku laran. Partisipante sira hatudu duni sira nia partisipasaun ne’ebé aás tebes. Ekipa PNDS Nasional no Kordenador ba atividade PREB Sra. Sofia Fernandes husi parseiru Cardno fasilita komunidade sira iha suku kona-ba atividade buka moris ne’ebé iha relasaun ho infraestrutura báziku ne’ebé PNDS estabelese ona hanesan irigasaun iha suku Lalawa, Postu Tilomar, Munisípiu Covalima, Irigasaun Be’e ba Natar iha suku Labounu, Postu Atsabe, Munisípiu Ermera no Lutu Kumunal iha suku Vaviquinia, Postu Maubara, Munisípiu Liquisa.
Atividade pilotu METAPLAN ne’e partisipa husi Chefe Suku, Chefe Aldeia, Diretur Delegasaun Munisípiu, Fungsionariu PNDS, Pensionista, Ngo lokal no komunidade iha suku pilotu sira ne’e.
