Sistema Be’e Mos Gravitasaun iha Suku Taiboco, Posto Administrativo Pante Makasar, RAEOA , Ne’ebe Konstrui ho Orsamentu PNDS.
Komunidade Aldeia Ulas, Suku Taiboco, livre ona husi problema beé mós hafoin governu liu husi Programa Nasionál Dezenvolvimentu Suku (PNDS), servisu hamutuk ho komunidade Suku Taiboco hodi dada beé mós ne’ebe uja Sistema solar panel hodi tau iha tanke distribusaun hodi fahe ba venefisiaru uma kain atus tolu ne’ebé asesu ona ba be’e mos ne’e.
Kanalizasaun Be’e Mos ne’ebe uja Mangera Hodi tau iha Tanke Distrubusaun Hodi Fahe ba Venefisiariu.
Komunidade Suku Taiboco, liu-liu Aldeia Ulas agradese tanba ho implementasaun programa PNDS bele ona rejolve sira nia problema beé mós ne’ebe sira infrenta durante ne’e iha sira nia suku laran.
Antes ne’e komunidade Aldeia Ulas, tengke lao ain ho dintancia kilómetru 4 hodi ba kuru be’e no suspira tebes-tebes ba be’e mos, maibe ho programa PNDS, bele asesu ona beé Mos to’o iha ami nia uma oin, no ami kontente tebe-tebes”, Domingos Sani nudar Komunidade suku Taiboco.
Hafoin Programa PNDS tama iha Suku Taiboco, komunidade sira tu’ur hamutuk hodi identifika problema saida mak sira enfrenta iha Suku laran durante ne’e. Mehi atu asesu ba beé mós ida ne’e sai realidade hafoin komunidade tu’ur hamutuk hodi deside atu dada beé atu nune’e bele fornese beé mós ba komunidade sira.
Konstrusaun ba Sistema be’e mós (Gravitasaun) ida ne’e gastus orsamentu hamutuk US$49,000.00, orsamentu ida ne’e utiliza hodi hola material hanesan simentu, rai-henek, fatuk, mangeira nomós konstrusaun tanke atu depozita be’e mos. Distánsia be’e matan ba to’o iha aldeia mais ou menus iha kilómetru nen (6), komunidade ne’ebé hetan benefísiu husi programa be’e mós ida ne’e hamutuk atus ida sanulu resin ida husi uma kain atus tolu.
