Chefe Unidade Operasional, Marcio J.M.F.Lihite Hala’o Intervensaun Kona-ba Prosesu Aprovisionamentu iha Postu Administrativu Lolotoe, Suku Opa.
Enkontru Avaliasaun no Re-afirma manan nain ba kotasaun faze III siklu 2 iha suku Opa Postu Administrativo Lolotoe, Munisípiu Bobonaro realiza tanba komunidade suku refere lakoi simu fornesedor ne’ebé sai vensedor primeiru iha prosesu loke koutasaun tanba fornesedor ne’e mai husi Postu seluk, enkontru ne’e realiza iha sede suku Opa, Lolotoe 14-17/08/2019.
Ho problema ne’e maka delegasaun husi nivel Nasional ne’ebé lidera husi chefe Unidade Operasional Programa PNDS, partisipa mos iha enkontru ne’e hodi akompanha Prossesu aprovisionamentu lao tuir mata dalan PNDS nian.
Komunidade Suku Opa, Hato’o Sira nia Sujestaun ba Fornesedor Manan Nain Sira Ko-naba Implementasaun Programa Faze III Sikluz 2 Ne’ebe Implementa iha Sira Nia Suku.
Iha intervensaun Chefe Unidade Operasional, Marcio J.M.F.Lihite nudar reprezentante Diretora PNDS Nasional haktuir ba komunidade Suku Opa katak prosesu aprovisionamentu ne’e fo mos oportunidade ba kompanha lokal sira atu compete fornese material fabrikado no lokal, alemde ne’e mos prossesu aprovisionamentu ne la taka dalan ba kompanha seluk atu tuir competisaun ba kotasaun, ho intensaun katak kompanha ne’ebe tuir kompetesaun ba kotasaun bele fo’o garantia kulidade no valor ne’ebe diak, partilha komunidade hodi kapasita a’an liu husi dezenvolvimentu suku rasik, tamba komunidade mak nain ba obra dezenvolvimentu infrastrutursa suku.
Iha oportunidade hanesan Diretur Delegasaun PNDS Munisipiu Bobonaro, Paulino Tilman hakarak fo agradese ba fornesedor THALLYA no RILMAR ne’ebe sai hanesan manan nain ba kotasaun refere no rezultado Akordo husi Enkontru ne’e maka fornesedor Suku Opa, Postu Administrativu Lolotoe, Munisipiu Bobonaro kopera ho diak tebes hodi redus montante husi $13,886.00 ba $12,255.00, manan nain ba pakote 1 no pakote 2.
Alende partisipa iha enkontro re-afirma fornesedor manan nain iha suku Opa, aktividade seluk ne’ebe ekipa nasional halao mak halo mos monitorizasaun ba implementasaun kontrusaun infraestrutura Edukativo no Monitoriza Projetu PNDS faze III siklu 2 no mos akompanha sosializasaun assina akordo, identifikasaun trabalhadores fatin halimar iha Munisipiu Bobonaro.
