Sr.Secondinho Morreira hanesan mos Reprejentante Direitora PNDS akompanya husi Adjunto Administrador Munisipiu Dili, Jeca Smith ofisialmente halo inagurasaun Be’e Mos iha Suku Lahane-Oriental
Komunidade Aldeia Rai-Mean I no Rai-Mean II, Suku Lahané-Oriental, livre ona husi problema beé mós hafoin governu liu husi Programa Nasionál Dezenvolvimentu Suku (PNDS), servisu hamutuk ho komunidade Suku dada beé mós husi beé matan Rai-Mean ba komunidade sira.
Komunidade Suku Lahane-oriental, liu-liu Aldeia Rai-Mean I no Rai-Mean II agradese tanba ho implementasaun programa PNDS bele ona rejolve sira nia problema beé mós ne’ebe sira infrenta durante ne’e iha sira nia suku laran.
“Antes ne’e aldeia rua refere, durante iha tempu okupasaun, mós iha tempu ukun an, suspira tebes-tebes ba beé mós, ho programa PNDS, bele realiza beé to’o iha ami nia uma oin, no ami kontente tebe-tebes”, Alarico de Sousa, nu’udar Chefe Aldeia Rai Mean.
Hafoin Programa PNDS tama iha Suku Lahané-Oriental, komunidade sira tu’ur hamutuk hodi identifika problema saida mak sira enfrenta iha Suku laran durante ne’e. Mehi atu asesu ba beé mós ida ne’e sai realidade hafoin komunidade tu’ur hamutuk hodi deside atu dada beé Rai-Mean atu nune’e bele fornese beé mós ba komunidade sira.
Adjunto Administrador Munisipiu Dili Sr. Jeca Smith offisialmente loke Torneira Be’e Mos hanesan simbol inagurasaun ba projeitu Be’e nee’be konstrui ho osamentu PNDS iha Suku Lahane-Oriental, Aldeia Rai-Mean
Subsídiu PNDS ne’ebé aloka ba iha Suku lahane-Oriental ho montante $40,000.00 subsidiu ida ne’e inklui orsamentu rua $34,250.00 ba subsídiu operasional, utiliza hodi apoiu servisu administrasaun iha Suku laran, $23,347.82 ba subsídiu infraestrutura, utiliza hodi sosa materiais infraestrutura ho selu traballador.
Subsídiu infraestrutura iha leten, ezekuta ba iha Projeitu Rehabilitasaun no Konstrusaun Sistema beé mós iha Suku Lahané-Oriental, ne’ebé financia husi orsamentu PNDS faze-III, iha tinan 2015/2016, no prosesu konstrusaun ne’e hahú husi fin do novembro, 2015 no konstrusaun finaliza ona iha fulan Maio, 2016.
Konstrusaun beé mós ida ne’e ofisiálmente hetan inagurasaun husi ajuntu Administrador Munisipiu Dili, Sr. Jeca Smith ne’ebé partisipa husi Reprejentante Diretora PNDS Nasional, TAF, fungsionario PNDS Munisipiu Dili, Polisia, nomos Komunidade Suku Lahane-Oriental iha loron Segunda feira, 19 Setembru 2016.
