Intervensaun Administrador Interino Munisipiu Lautem, Jasinto da Costa hodi Abertura Enkontru Avaliasaun Programa PNDS iha Lautem.
Loron ida liu tia, loron seluk mosu mai, husi jerasaun agora to’o ba jerasaun tuir mai tengki serbisu maka’as hodi hatutan Vijaun no Misaun heroi sira ne’ebé uluk funda nasaun nee. Ida nee mak lia fuan motivasaun ne’ebé hato’o husi administradór interino Munisipiu Lautem Jasinto da Costa iha Avaliasaun Annual PNDS iha Munisipiu Lautem (03/03/2017)
Tuir observasaun Administrador Interino Munisipiu Lautem, Jasinto da Costa durante implementasaun programa PNDS iha Lautem katak PNDS nudar programa ida diak tebes hodi ajuda komunidade laos deit sira hetan benefísiu maibé inportante mak oinsá sira bele partisipa no involve an iha prosesu desenvolvimentu.
Ho nune’e administradór interino nee hateten tempu ida troka ba tempu seluk, gerasaun ohin loron no gerasaun futuru persija serbisu maka’as hodi hatutan vijaun no misaun heroi sira ne’ebé funda nasaun nee. Vijaun no misaun sagradu heroi sira nee mak lori povo husi moris kiak sai ba moris diak.
Autoridade Lokal Munisipiu Lautem neebe partisipa iha enkontru Avaliasaun PNDS Iha salaun enkontru Administrasaun Munispal Lautem.
Diretor Delegasaun PNDS Munisipiu Lautem, Delfim de Jesus afirma katak PNDS implementa ona iha Munisipiu Lautem durante tinan tolu, inportante ba ami iha enkontru nee mak bele hamutuk ho autoridade lokal hanesan chefe suku inklui Ekipa Jestaun Suku (EJS) atu hare hamutuk kestaun implementasaun ne’ebé dala balun hasoru difikuldades iha implementasaun.
Husi parte autoridade lokal nia observasaun, tuir chefe Suku Fuiluro, Vitor Quintas katak programa nee diak tebes tanba bele rejolve emediatu difikuldade ne’ebé komunidade sira hasoru.
Tuir chefe suku katak ijemplu konkretu mak iha aldeia ira ara ne’ebé partensi ba nia ukun, difikuldades kona-ba kondisaun estrada ne’ebé ladiak tempu uluk kedan labele rejolve maibé ho prezensa PNDS, estrada rural ho distánsia metrus atus walu bele rejolve ho prezensa programa nee, espera katak prezensa PNDS iha Suku hotu iha territóriu Timor Leste bele rejolve difikuldades ne’ebé komunidade sira enfrenta.
Iha avaliasaun nee entrega mos premiu apresiasaun ba suku ne’ebé iha gestaun diak ba implementasaun programa PNDS iha Munisipiu Lautem husi siklu dahuluk fase primeiru, segundu no terseiru mak Suku Fuat husi Postu Ilomar, enkuantu segundu lugar mak Suku Leuro Postu Lospalos no Suku Fiuloru Postu Lospalos sai hanesan terseiru lugar.
-
- Estrada rural iha Suku Fuiloru, Postu Lospalos neebe kontrui ho orsamentu PNDS
-
- Komunidade Suku Fuiloru utuliza ona estrada Rural neebe kontrui ho Orsamentu PNDS
