Postu Saude Iha Suku Lisadila, Postu Administrativo Maubara, Municipiu Liquica
Implementasaun programa PNDS iha Suku Lisadila postu Administrativo Maubara, Municipiu Liquica hodi extende sala klínika ba postu Saude iha Aldea Lebuae rejultado hatudu katak benefisia emidiatu komunidade ne’ebé hela iha area ne’ebé hodi hetan asistencia saude ho diak.
Liu husi implementasaun programa PNDS komunidade iha suku Lisadila deside prioridade atu loke tan sala klínika husi postu saude ne’ebé hari husi ministériu da saude iha sira nia Suku. Sala klínika ne’ebé halo extensaun ho orsamentu PNDS kompletu ho fasilidade saude nian hanesan fasilidade partus nian hamutuk ho sala baixa.
Foin lalais nee iha Suku Lisadila (10/06/2015) Francisco Xavier dos Santos nudar emfermeiru ne’ebé hala’o knar iha suku neeba agradese ba PNDS tanba ho fasilidades saude nian ne’ebé perpara liu husi implementasaun programa PNDS bele fasilita ona sira hodi fo atendementu saude ba komunidade sira ne’ebé hela iha area.
Nune’e mos Mateus de Jesus nudar komunidade ne’ebé hela iha area neba afirma katak liu husi programa PNDS bele responde duni sira nia difikuldades ne’ebé sira enfrenta durante nee, hanesan benefisiasiu husi extensaun sala klínika nee Mateus sente kontente tebes tanba ho fasilidades
Fasilidade Postu Saude Suku Lisadila, kompletu ho Fatin Partus ba inan isin rua
ne’ebé iha sira bele hetan ona atendementu saude ho dignu.
Mateus Sugere katak difikuldades ne’ebé sira enfrenta mak sira laiha pesoál parteira ne’ebé bele fasilita inan isin rua sira atu partus tanba nee sira husu ba Ministeiu relevante atu toma medidas hodi koloka parteiras ruma iha sira nian Suku.
Total orsamentu ne’ebé aloka ba extensaun sala klínika iha suku Lisadila ho montante rihun $ 19,239.75. ho orsamentu nee komunidade sira loke tan sala klínika ba atendementu partus ba inan isin rua kompletu ho fasilidade.
