Ponte iha Suku Horai-Quic Posto Administrativu Maubessi, Munispiu Ainaro Ne’ebe Konstrui ho Orsamento PNDS.
Konstrusaun Ponte iha Suku Horai-Quic, Postu Administrativo Maubisse, Munisipiu Ainaro fasilita komunidade husi Postu Administrativo Maubisse no Postu Hatubuiliko.
Iha programa PNDS Komunidade suku Horai-Quic deside projetu infraestrutura basiku ho eskala kiik mak sai hanesan prioridade as liu. Infraestrutura importante ne’ebé komunidade sira husi suku ne’e deside hodi konstrui mak kontrusaun ponte kiík iha Suku Horai-Quic ho Medida 3×4 Metru Quadradu.
Dominggos Pires nudar komunidade “husi Suku Horai-Quic espresa sira nia sentimentu kontente tamba ho prezensa PNDS bele rejolve sira difikuldades konaba Ponte ne’ebé sempre difikulta sira iha aktividade loron-loron”.
Dominggos Pires hateten “Ponte ne’e inportante tebes tanba bele fasilita movimentu tranporte publiku husi postu Administrativo rua mak hanesan Postu Hatubuiliko no Postu Maubisse iha tempu udan entre fulan Outobru to’o Dezembru”. iha tempu udan dalan uniku ne’ebé bele fasilita komunidade husi Suku 12 ne’ebe partense husi Postu Hatubuiliko no Maubisse mak tengki movimentu liu husi ponte ne’e, nune’e tuir Dominggos Pires ponte ne’e ajuda no fasilita tebes komunidae sira ne’ebé sempre halo movimentu liu husi diresaun refere.
Domingos Pires espresa sentimento kontenti wanhira dada lia ho media sira.
Dominggos Pires hateten “mesmu ho orsamentu ne’ebé kiik maibe ho kontribusaun no serbisu hamutuk entre komunidade sira bele konstrui ona ponte ne’e, Orsamentu subsidiu ne’ebé aloka ba suku ne’e hodi kontrui ponte ne’e ho montante rihun $45.000”. husi montante orsamentu ne’e fahe ba kategoria rua mak hanesan kategoria fundus operasional ho montante rihun $6.000 no ba fundus infraestrutura ho montante $39,500,00.
Dominggos Pires, informa mos katak “tuir estimasaun kompanha sira iha suku refere kontrusaun ponte nee bele gasta orsamentu ne’ebé boót maibe ho subsidiu orsamentu estado liu husi PNDS komunidade bele kontrui ponte ne’e ho diak, ida ne’e hanesan komunidade ne’ebé sai benefisiariu ba projetu sente kontenti tebes, tanba ho PNDS mak bele rejolve sira nia difikuldades”.
