Sekretariu Executivo PNDS, Amandio Paulino G. do R. Sousa iha enkontru hamutuk ekipa husi Vise Ministru MAE.
Gabinete Vice Ministro, Ministeriu Administrasaun Estatal, hala’o diskusaun ho ekipa Sekretariu Tekniku Programa Nasionál Desenvolvimento Suku hodi hare desenpeñamento no funsionamentu tuir revizaun servisu PNDS nian liga ba aspeitu ekonómiku. diskusaun ne’e hala’o iha salaun gabinete Vice Ministro do MAE.
Partisipante sira ne’ebe partsipa iha enkontu iha salaun Vise Ministru MAE.
Diskusaun durante loron rua ne’e, relevante tebes tamba atu mellora procedimentos sira relasiona ho implementasaun programa servisu PNDS nian ba oin, no diskusaun ne’e, diskuti liu kona-ba asuntu rua mak hanesan; ida kona-ba esbosu Diploma Ministerial nian ba Estabelesimentu Estrutura PNDS nian iha Suku, liu-liu hare’e ba kompozisaun, no kompetensia liga ba funsionamentu estrutura PNDS nian.
Asuntu segundu mak, diskuti mos kona-ba revisaun ba PNDS nian, hodi identifika area intervensaun ne’ebé sei inklui setor foun sira iha servisu PNDS nian, nune’e bele aumenta poder economico ba familia sira iha suku. Diskusaun durante loron rua ne’e mos deskuti asuntu importante sira iha servisu tekníku PNDS nian mak baseia ba diploma ministerial 19/2024, hodi reve fali siklu planeamentu husi implementasaun programa PNDS nian, nune’e bele alina servisu PNDS nian besik ho Programa Desenvolvimentu Integradu Munisipiu, PDIM, tuir definisaun matadalan orientador servisu PNDS nian iha sukus.
Diskusaun entre ekipa servisu tekníku PNDS, ekipa servisu desenvolvimentu lokal, hamutuk ho Sekretariu Ezekutivu PNDS, Amandio Paulino G. no Assessora gabinete Vice Ministro do MAE, Maria Braz no Assessor juridico Vice Ministro do MAE. Reuniaun ne’e hetan partisipasaun maximu husi ekipa SEDL, ekipa gabinete Vice Ministro do MAE no Ekipa servisu tekníkus PNDS.
