Chefe Unidade Gestaun Operasional PNDS, Rosito Guterres halao abertura ba Treinamentu Fasilitador Finansas Postu Administrativo
Formasaun nee hanesan kontinuasaun treinamentu ba fasilitadores finansas husi Postu Administrativu sira, treinamentu nee abertura husi Directur Interino Programa PNDS, Rosito Guterres, iha Centru Treinamentu Senai Becora (11/01/2016)
Direktur Interino no Actual hanesan Chefe Unidade Operasional Programa PNDS Rosito Guterres husu ba partisipante sira hodi partisipa iha oportunidade nee hodi fo konsentrasaun ba treinamentu atu bele aprende no akapta materia ne’ebé aprezenta husi treinadór sira, tanba treinamentu nee laos atu aprende deit maibé depois treinamentu sei aplika iha terreno hodi fasilita komunidade iha baze, signifika formasaun para sai hanesan formadores.
Iha oportunidade nee, Rosito Guterres Enkoraja partisipante sira atu bele pro-ativo iha treinamentu tanba PNDS
Treinador Treinamentu orienta hela Partisipante sira Aprezenta sira nia Ideia konaba saida mak sai esperansa ba sira husi treinamentu nee
Ultrapasa ona Dezafiu lubuk ida, iha tinan kotuk hanesan parte ida husi ijame ba Sekretariado PNDS tanba enfrenta situasaun ida difisil, maibe tinan 2016 sai hanesan teste ida atu bele hetan fiar husi ukun nain sira hodi kontinuaimplementa programa ida nee atu bele servi diak liu tan komunidade sira iha baze.
Rosito Guterres hateten PNDS atu lao diak, kualidade ka lae depende ba ita boot sira ne’ebé sai hanesan liman ain PNDS nian iha baze. Nunee tengki serbisu diak hodi fasilita no servi diak liután komunidade hodi tau atensaun ba difikuldade ne’ebé povo enfrenta iha baze. Espera katak ho treinamentu hirak nee bele meliorha diak likutan kapasidade Fasilitador Finansas sira iha Postu Administrativo sira, para sai fasilitadores no formadores ba komunidade iha suku atu sai nudar autor ba dezenvolvimentu iha sira ida-idak nia suku laran.
