Direktora PNDS, Dulce Guterres Junior, abertura ofisial treinamentu TOT no Fasilitasaun Komunidade ba FFPA iha Sentru Treinamentu Senai Becora.
Treinamentu kona-ba fasilitasaun komunidade ne’ebé hala’o ba fasilitador finansas husi Postu Administrativu. Treinamentu refere ofisial abertura husi Directora PNDS, Dulce Guterres Junior (14/12/2015.
Directora PNDS, Dulce Guterres Junior iha nia intervensaun hateten treinamentu nee importante tebes ba imi nudar fasilitador finansas oinsá mak bele sai fasilitador ne’ebé di’ak hodi halo fasilitasaun no fo asistensia ba komunidade, tanba nee husu ba partisipante sira atu aproveita didi’ak hodi hetan koineshementu ne’ebé naton hodi ajuda komunidade sira iha nivel Suku no Aldeia.
Partisipante sira rona hela introdusaun konaba treinamentu husi treinador SDRA.
Iha parte seluk Koordenador SDRA, Francisco Jorge ne’ebé responsabiliza kona-ba treinamentu nee informa katak partisipante sira sei hetan sertifikado ho kategoria nivel Tres, ne’ebé konsidera hanesan fasilitador komunidade ho klasifikado ne’ebé diak no kualifikadu.
Nune mos Paulo Miguel Vila Nova dos Santos, nudar Interino Sekretario Exekutivo FDCH, husu ba partisipante sira atu aprende hodi aplika iha pratika no fahe mos ba kolega sira hodi ajuda fasilita komunidade sira hodi hamutuk dezenvolve ita nian rain.
Treinamentu nee bele realiza tanba Sekretariado Programa Nasional Dezenvolvimentu Suku hetan Apoiu orsamentu husi Fundu DezenvolvimentuKapital Humano. Partispante ba Treinamentu nee mak Fasilitador Finansas Postu Administrativo Husi Munisipiu 12 inklui Rejiaun Espesial Oecusse hamutuk tolu nulu resin Lima.
