Diretora Nasional PNDS, Dulce Guterres Junior, Hala’o Avertura Treinamentu ba Ekipa Fasilitador Postu Konaba Maneira Komunikasaun Efectivu no Servisu Ekipa iha Salaun Treinamentu CNFP, Tibar.
Treinamentu ne’ebe realiza ba Fasilitador Postu Administrativu husi Dili no Liquisa konaba maneira komunikasaun efectivu no servisu ekipa ne’ebé partisipa husi primeiro no Segundo Grupu hahu husi dia 7-11 outubro 2019 no 14-18 outubro 2019 ne’ebé realiza iha salaun rekurco CNFP Tibar; Liquica 7/10/2019
Partisipante Husi Ekipa Fasilitador Postu Hala’o Ejame Simulasaun konaba Maneira Komunikasaun Efectivu no Servisu Ekipa.
Objetivu principal husi treinamentu mak atu hasa’e kapasidade Fasilitador Postu Administrativu (FPA) sira konaba area komunikasaun afetivu no serbisu ekipa ho ojectivu espesifiku mak depois de treinamentu ne’e remata iha fulan Outubru 2019, fasilitador postu sira iha ona kompriensaun diak kona-ba abilidade komunikasaun efetivu no serbisu ekipa no fasilita (Ekipa Jestaun Suku) EJS iha suku, no bele husu pergunta ho lolos ba komunidade durante defini prioridade aldea no suku ba projeitu PNDS, alende ne mos fasilitador postu bele hatudu kapasidade serbisu hamutuk nu’udar ekipa FST ( Finansa, Sosisal no Tekniku ) hodi fasilita EJS durante hala’o FAM iha suku.
Partisipante sira Antusias Rona Esplikasaun Husi Ekipa Treinador.
Iha abertura laran Diretora Nasional PNDS, Dulce Guterres Junior hateten katak komunikasaun no servisu ekipa mais importate tebes iha servisu area rural bainhira hahu determina proposta prioridade, wainhira atu desidi prioridade suku fasilitador postu tenki komunika diak no konvense komunidade bazea ba situanasaun real no mais importante ne’ebé komunidade efrenta direita atu nune komunidade deside prioridade suku bazea ba situasaun real ne’ebé suku enfrenta, alende ne Diretora Nasional PNDS ne’e mos haktuir tan ba fasilitador postu administrativu sira konaba oinsa atu komunika diak ho komunidade sira hodi hala’o enkontru ba FIAM no FAM.
Diretora Nasional PNDS, Dulce Guterres Junior mos hatutan treinamentu ne’e hanesan formasaun profisional ba fasilitador postu sira iha area komunikasaun efetivu no servisu ekipa nian hodi prepara a’an ba 2020, treinamentu ne mos atu fasilita diak lilu tan Fasilitador Postu sira hodi bele komprende formatu sira husi Sosial, Finansas no Tekniku.
Treinamentu ne’ebe realiza iha salaun rekursu CNFP Tibar akompanha husi Diretora Nasional PNDS, Chefe Departamentu implementasaun, Chefe Departamentu Rekursu Humanus, kontabilista Nasional, Engeneiro Nasional no Offsial Sosial.
