Enkontru Kordenasaun mensal Sekretariadu Tékniku PNDS nudar enkontru rutina ne’ebé sempre realiza kada fulan hodi diskute progresu no difikuldades ne’ebé hasoru iha implementasaun programa PNDS. Iha fulan Agosto enkontru kordenasaun nee hala’o iha Joao Paulo, Comoro Dili (28/08/2015).
Enkontru Koordenasaun Fulan Agosto
Diretór Interinu PNDS, Rosito Guterres ne’ebé reprezenta Kordenadór Jeral e Diretóra PNDS iha abertura enkontru nee afirma katak informasaun kona-ba progresu transferensia fundus infraestrutura ba faze 3 daudaun ne’e hetan ona atensaun husi nivel leten, oinsá fundus infraestrutura ba suku ne’e atu halo transferensia 100% dala ida deit, kestaun ida ne’e Ministériu Estatál ho Ministériu Planeamentu Investimentu Estratéjiku halo hela justifikasaun ba Ministériu Finansas atu nune’e subsídiu infraestrutura ba faze 3 ninia bele halo transferensia 100%, tanba prosesu transferensia ne’ebé Ministériu Finansas halo sei tuir prosesu ida uluk ninia hanesan transferensia 50% primeiru no 50% Segundo.
Iha oportunidade ne’e Sr. Rosito mós akresenta kona-ba atividade ST-PNDS nia liu-liu iha aspetu kapasitasaun no formasaun ba funsionáriu PNDS iha area oin-oin ne’ebé hala’o iha rai laran no iha estranjeiru. Treinamentu iha estranjeiru ne’e fokus liu iha area programa planeamentu no estratéjia integradu kona ba finansas, jestaun konstrusaun iha area espesífiku estrada no ponte, no treinamentu iha rai laran fo atensaun liu iha area kursu lingua ingles, graphic design ba ekipa komunikasaun, treinamentu ba fasilitadór tékniku postu Administrativu (FFPA) iha area jestaun ho kualidade infraestrutura báziku.
Enkontru kordenasaun mensal ba fulan Agostu ninia abertura ho simulasaun kona-ba prosesu aprovizionamentu. Simulasaun nee ninia objetivu atu relembra hikas atividade ne’ebé akontese iha prosesu aprovizionamentu hanesan sorumutu planeamentu aprovizionamentu ho fornesedor sira, fo sai pedidu kuotasaun, halibur kuotasaun husi fornesedor, loke no avalia kuotasaun, aprovasaun no verifikasaun ba fornesedor ne’ebé sai manán nain hodi fornese material konstrusaun ba iha suku.
-
- Simulasaun Abertura Prosesu Aprovizio, neebe involve Autoridade Lokal, Lider Komunitariu, EJS, DD Munisipiu no Fornesedor sira
-
- Simulasaun konaba prosesu aprovizionamentu, fornesedor sira prience koutasaun
-
- Simulasaun prosesu aprovizionamento, EJS distribui Koutasaun
-
- Simulasaun prosesu aprovizionamento, avalia no loke Koutasaun hodi defini fornesedor
-
- Simulasaun , fornesedor sira partisipa iha enkontru prosesu aprovizionamento
-
- Partsipante rona hela orientasaun konaba Simulasaun Prosesu Aprovizionamento
