Direktora PNDS, Dulce Guterres Junior Abertura Enkontru Koordenasaun Fulan Febreiru iha salaun ETDA, Dili
Hanesan baibain enkontru koordenasaun hanesan enkontru regular neebe sekretariado PNDS halao atu bele atu bele fahe informasaun konaba implementasaun programa iha tereno konaba progresu no difikuldade neebe hasoru iha implementasaun. Enkontru koordenasaun fulan febreiru nian halao iha (26/02/2016) iha ETDA Dili.
Iha abertura ba enkontru koordenasaun nee Direktora PNDS, Dulce Guterres Junior informa kona-ba mudansa dekretu lei, neebe governo Forma ona Komite Revizaun Projetu hodi halo revizaun ba Proposta Lista Projetu neebe komunidade inpoin signifika katak lista projetu hotu tengki haruka mai nasionál no tékniku apoiu halo verifikasaun sei halo verifikasaun hodi kontinua enkaminha ba komité revizaun projetu hodi hetan aprovasaun molok komunidade halo akordu implementasaun, hafoin hetan aprovasaun husi Komite foin bele haruka fali ba munisípiu hodi halo asina akordu implementasaun projetu.
Partisipante enkontru Koordenasaun rona hela intervensaun husi ekipa Fhilipina no Indonesia kona-ba esperensia implementasaun CDD iha nasaun rua nee
Iha oportunidade nee mos Direktora orienta ba Direktur Delegasaun sira atu bele hahú ona identifikasaun prioridade faze II siklu sigundo, no submete lista projetu mai Nasional hodi hetan verifikasaun husi Komisaun Tevizaun Teknika, konaba mudansa etapa siklus implementasaun iha ona asesór legal sira hodi haruka ba Conselho Ministru hodi halo amandamentu konaba tranferensia fundus infraestrutura.
Enkontru neebe partisipa mos husi ekipa neebe mai husi Fhilipina no Indonesia fahe mos esperensia konaba implementasaun aktividade retornu basiku, objetivu husi involve mos ekipa estranjerus nee atu bele hetan Referensia oinsá PNDS bele dezenvolve lei no mata dalan ba implementasaun aktividade retornu basiku. Liu-liu oinsá bele implementa aktividade, oinsa relasaun ho seitores sira, oinsá bele hahú aktividade no oinsá perpara lei no matadalan hodi implementa aktividade retornu ekonómiku basiku.
