Sekretáriu Estadu Dezenvolvimentu Lokál, Mateus Wilfredos dos Santos Tallo, Simbolikamente tesifita ba inagurasaun projetu PNDS.
Sekretáriu Estadu Dezenvolvimentu Lokál, Mateus Wilfredos dos Santos Tallo Akompaña husi Diretur Nasionál Dezenvolvimentu Komunitariu, Jose Magno, inagura projetu PNDS rua ne’ebe implementa iha Siklus 6 suku Malilait no Bobonaro, tipu projetu ne’e maka rehablitasaun estrada iha Aldeia Taimea Suku Malilait, no projetu konstrusaun rezidensia ba Pesoal Saude iha Suku Bobonaro Aldeia Lakatil.
Estrada Betaun ne’ebe inagura husi Sekretariu Estadu Dezenvolvimentu Lokál iha suku malilait.
Sekretáriu Estadu Dezenvolvimentu Lokál hateten, Projetu rua ne’ebe, ohin ita inagura, importante tebes tanba estrada bele fasilita komunidade sira asesu ba mai no uma ba pesoal Saude, bele fasilita diak liu tan pesaol Saude sira hodi fo atnedimentu ne’ebe diak ba komunidade Suku 18 iha Postu Bobonaro, liu-liu Inan sira ne’ebe mai partus iha tempu kalan, Pesoal saude ne’ebe piket bele fo atnedimentu lalais, tanba sira hela ona iha Fatin ne’ebe ohin inagura ona ne’e.
Projetu konstrusaun Rezidensia ba Pesoal Saude iha Suku Bobonaro.
Sekretáriu Estadu Dezenvolvimentu Lokál Mateus Wilfredos dos Santos Tallo, mos hatutan katak Projetu rua implementa iha suku Malilait no suku Bobonaro ne’e tama iha tinan 2024 ba Siklu 6, Tuir governante ne’e katak, Projetu rua ne’e prioridade tebes ba komunidade sira, tan ne’e apresia ba PNDS, Auturidade no komunidade ne’ebe finaliza ona Projetu rua ne’e.
Implementasaun projetu konstrusaun rezidensia ba pesoal Saude iha suku Bobonaro ne’e ho gastu osanmentu $49.500.00. no projetu rehablitasaun estrada iha aldeia taimea, suku Malilait gastu osanmentu $44.000.00. Partisipa iha seremonia inagurasaun ne’e DSMA Munisipiu Bobonaro, Administrador Postu Administrativa Bobonaro, Komadante PNTL Postu Bobonaro Autoridade lokal nomos konvidadus sira.
