Partisipasaun feto iha implementasaun PNDS.
Tekniku husi Sekretáriu Tekniku Programa Nasional Dezenvolvimentu Suku hala’o monitorin ba projetu PNDS ne’ebe implementa iha aldeia Kualau II, suku Dare, Postu Administrativu Vera Cruz, Munisipiu Dili ne’ebe tipu projetu rehabiltasaun estrada betaun ho distansia 415m no konstrusaun dranazen ho distansia 240m ho total orsamentu $35.000,00 durasaun servisu Junho-Julho 2025.
Quadru avizu ba konstrusaun estrada betaun iha suku Mascarinhas.
Iha monitorizasaun ba proejtu programa Nasional Dezenvolvimentu Suku ne’e ekipa tekniku ST-PNDS hare katak projetu ne’ebe implementa husi komunidade ne’e tama ona iha nahe sementi no progresu ba rehabilitasaun no konstrusaun estrada no drenazen ne’e 55%.
Alende halo monitorizasaun projetu iha suku Dare ekipa tekniku ST-PNDS mos kontinua halo monitorin ba projetu PNDS iha Aldeia Alto PM, suku Mascarinhas, Postu Administrativu Vera Cruz, Munisipiu Dili ne’ebe implementa projetu rehabilitasaun estrada betaun ho distansia 294m ho total orsamentu $34,500.00 ho durasaun servisu Junho-Augostu 2025.
Projetu ne’ebe finanseiru husi Governu ne’e implementa liu husi Programa Nasional Dezenvolvimentu Suku no komunidade rasik mak jere liu no komunidade mak sai nain ba implementasaun programa ne’e. iha monitorin ne’e nota katak partisipasaun feto iha konstrusaun estrada diak tamba ekipa feto involve-an makas iha implementasaun PNDS.
