Chefe Departamentu Implementasaun, Sr. Marcio J. Marcal, fo hela introdusaun kona-ba estudu komparativu (Suku Vizita malu) iha Munispiu Baucau
Programa suku vijita malu ba premeiru iha tinan 2016 ne’e hanesan aktividade estudus komparativu ne’ebe hala’o iha suku. aktividade ne’e nudar meus ida ne’beé Sekretariadu Tekniku Programa Nasional Dezenvolvimentu Suku apoiu husi parseirus hanesan CARDNO hodi fasilita Ekipa Jestaun Suku, entre suku ida ho suku hodi fahe esperensia no istoria susesu ba malu kona-ba implementasaun Programa Nasional Dezenvolvimentu Suku. Programa Suku Vijita malu ne’e hala’o loron ida iha Suku Samalari, Municipiu Baucau (21/03/2016).
Objektivu husi aktividade ne’e atu fo Oportunidade ba Suco atu fahe esperensia no aprende hamutuk liu husi sira nian esperensia, Hametin relasaun no koordenasaun entre Suco no ho ajensia relevante seluk iha nivel Munisipiu no Posto Adminitrativu no espera katak Depois de programa neé partisipantes sira bele aprende lisaun no esperensia husi Suco uma nain, hodi sai hanesan referensia ba sira atu hadiak liu tan implementasaun programa PNDS iha sira nia Suco.
Autoridade lokal husi Munisipiu Lautem no Viqueque, partispa no rona hela informasaun husi EJS Suku Samalari-Baucau kona ba implementasaun programa PNDS
Aktividade programa suku visita malu ne’ebé hala’o iha municipiu Baucau suku Samalari ne’e hanesan aktividade ba premeiru iha tinan 2016 ne’ebé partisipante mai husi Administrador Posto husi Municipiu 3 hanesan Baucau, Viqueque, Lautem, Chefe Suco, Presidente KPA, Chefe EIP, FSPA, FTPA, FST, Asesor, no komunidade suku Samalari. Aktividade prinsípal husi programa ne’e mak aprejentasaun husi presidente KPA suku Samalari kona-ba implementasaun Programa PNDS iha suku refere nomós halo vijita ba be’e matan ne’beé oferese ba komunidade iha suku Samalari.
Iha programa suku vijita malu ne’e Suku mak nudar alvo ba implementador programa, tanba ne’e mak autor sira iha suku persija fahe sira nian lisaun ba malu hodi nune’e bele implementa programa PNDS nian iha tinan tuir mai bele diak. Nomos iha suku vijita malu ne’e komunidade rekomenda ba oin suku vijita ba malu ne’e bele lao ba oin nafatin hodi nune’e komunidade bele hatene progresu implementasaun programa PNDS nian.
