Fatin Konstrusaun Uma OPS iha Suku Bauro ne’ebe Implementa.
Konstrusaun uma ba polísia komunitariu sanulu resin hat ne’ebé konstrui ho orsamentu doadores ne’ebé hetan apoiu husi Governu Nova Zelandia liu husi embaixada Nova Zelandia iha Timor Leste. iha parte Leste oras ne’e atinji to’o ona iha sinta kraik (Sloof) no Klarifika ba badaen kona-ba dejenho nomo’s etapa serviso tuir mata dalan no dezenho.
Ekipa destakamentu ne’ebe koloka husi ekipa sekretariadu tékniku PNDS Nasionál akompaña progresu servisu konstrusaun uma polísia suku (OPS) durante iha Munisipiu refere la’o ho diak mesmu iha munisípiu Baucau, Postu Administrativu Laga no Postu Administrativu Qeliqai mak se la’o neineik maibe ekipa sira se servisu makas hodi bele aselera la-lais prosesu konstrusaun Uma polísia Suku to’o iha prosesu implementasaun.
Ekipa Engineiru Nasional Orienta Servisu ba Badaen konaba Dezenu Uma OPS.
Objetivu husi ekipa destakementu Tékniku ne’e atu akompaña fasilitador tékniku no komunidade sira hodi hala’o prosesu konstrusaun Uma polísia Suku ne’ebé sira rasik mak identifika ona iha kada Munisípiu hodi bele realiza lai-lais uma OPS.
Ekipa destakamentu parte leste ne’ebé nota katak progresu konstrusaun Uma OPS iha munisípiu Lautem, postu administrativu Lospalos Villa, Suku Bauro tama ona iha faze Sinta Kraik (Sloof) no Klarifika ba badain kona-ba dejenho nomo’s etapa servico tuir mata dalan no dezenho espera katak ho esforsu tomak ne’ebé ekipa hotu halo ba progresu konstrusaun Uma OPS hirak ne’e bele finaliza iha tinan oin.
Alokasaun Konstrusaun projeitu Uma Polísia Suku iha parte Leste ne’ebe apoiu husi Governu Nova Zelandia hamutuk $135,292.50 ne’ebé fahe ba rua Infraestrutura $128,850.00 no Operasional $6442,50.
