Programa talk show iha Centru Radio Komunidade (CRC) Munisipiu Dili
Atu aktualiza progresu implementasaun programa PNDS, ne’ebé implementa iha suku hotu iha territóriu Timor Leste. Sekretariadu Tékniku Programa Nasionál Dezenvolvimentu Suku (ST-PNDS) Liu husi Departamentu Komunikasaun kria programa talk show ida iha radio komunidade iha 12 Munisípiu ho Rejiaun Espesiál Oe-Cusse.
Talk show ne’e hanesan atividade rutina ne’ebé realiza kada fulan 3, iha tinan ida nee atividade talk show hahú hala’o iha fulan Agostu ho oradór mak Administradór Munisípiu, diretór Delegasaun, no Xefe suku, tanba autoridade lokál hirak nee mak hatene lolos kondisaun no difikuldade ne’ebé komunidade sira enfrenta, espera liu husi dada lia iha rádiu komunidade nee bele akumula ideas husi autoridade sira atu bele hadi’a di’ak liu tan implementasaun programa PNDS.
Programa talk show iha Radio Komunidade Lospalos, Munisipiu Lautem
Liu husi talk show nee parte Sekretariadu PNDS ne’ebé reprezenta husi diretór delegasaun Munisípiu PNDS sira informa katak implementasaun programa PNDS implementa fazeadamente, faze pilotu ne’ebé implementa iha Suku 30, no Faze dahuluk ne’ebé implementa iha Suku 149, nia progresu atinji ona 100% ne’ebé finaliza tiha ona.
Implementasaun faze ba daruak iha Suku 91 no faze ba datoluk hanesan faze ikus implementa iha suku 202, signifika katak suku hotu iha territóriu involve no implementa ona programa PNDS.
Ita tenke rekoñese katak Implementasaun programa PNDS la la’o perfeitu no sempre hasoru difikuldade oi-oin iha implementasaun, maibé ita mós tenke kontente tanba rezultadu husi implementasaun programa nee komunidade sira iha area rural komesa sente ona benefísiu ba kondisaun infraestrutura báziku ne’ebé komunidade rasik mak deside, planea, no implementa iha sira ida-idak nia suku. Espera katak governu kontinua ho komitmentu hodi implementa programa nee hodi aselera dezenvolvimentu iha baze, motto importante mak mesmu neineik maibé beibeik no hamutuk ho PNDS Ita Dezenvolve Nasaun.
Programa talk show ida ne’e realiza ho sussesu tanba servisu hamautuk ST-PNDS ho Sekretariau Estado Komunikasaun Sosial (SECOMS)/Diresaun Nasional Sentru Radio Komunidade (CRC)
-
- Xefe Suku Umanaru, Estanislao de Carvalho, informa papel lider komunitariu iha PNDS
-
- Imajen diskusaun iha Talk Show Radio Komunidade Ili-Wai Manatuto FM 96,1 Mhz
-
- Talkshow Radio komunidade Mauloko-Maubisse, Munisipiu Ainaro
-
- Programa talk show iha Radio Komunidade Rai Husar, Munisipiu Aileu
-
- Programa talk show iha Radio Komunidade Lospalos, Munisipiu Lautem
-
- Sr. Gaspar Soares, Administrador Munisipiu Dili hanesan orador iha programa talk show Radio Komunidade
