Saturlino da Cruz, nu’udar partisipantes konsentra los iha treinamentu ICT TOOLS, iha ST-PNDS Dili.
Atu garantia funsionamentu Servisu ITC iha Sekretariadu Tékniku PNDS (ST-PNDS) Nasional, Ekipa Informasaun Teknolojia PNDS Fasilita treinamentu ICT TOOLS durante loron lima (5) iha ST-PNDS, Fatuhada-Dili (24-28/04/2017).
Treinamentu ida ne’e nia objetivu mak atu dezenvolve koñesimentu funsionáriu PNDS ninia oinsá atu bele utiliza ICT TOOLS iha servisu loron-loron, tanba iha PNDS ekipa IT monta ona Sistema Servisu ITC oin-oin hodi bele fo apoiu ba funsionáriu PNDS ninia tantu iha nivel nasional nomos iha Munisípiu.
Formasaun ida ne’e hetan apresiasaun husi partisipante sira, tanba bele aumenta sira nia koñesimentu iha area ida ne’e.
“Informasaun ne’ebé hetan iha treinamentu ne’e ajuda tebes ha’u, tanba bele aumenta kle’an liu tan hau nia koñesimentu kona-ba oinsá utiliza ICT TOOLS ne’ebé estabelese ona iha PNDS”, hato’o husi Jose da Costa, Ofisiál Komunikasaun PNDS.
Ekipa IT sira instala hela ekipamentus hodi fasilita treinamentu ITC TOOLS ba partisipantes.
Treinamentu ida ne’e importante tebes, alende aumenta koñesimentu hasa’e mos produtividade servisu funsionáriu ninia iha implementasaun programa PNDS.
Ekipa treinamentu ida ne’e fahe grupu 5, kada grupu masimu iha ema nain hitu (7), mínimu liu iha ema nain nen (6). Total partisipante ne’ebé mak partisipa iha treinamentu ne’e hamutuk ema nain 34, kompostu husi Diretora, Chefe Unidade, Chefe departamentu nomos ofisial hotu iha PNDS Nasional.
