Diretora Nasional ST-PNDS, Dulce Guterres Junior, Hala’o Intervensaun iha Lancamentu Premeira Pedra Irigasaun Be’e iha Suku Beneufe, Aldeia Citrana.
Lancamentu primeira pedra irigasaun be’e ne’ebé Oficialmente lanca husi Diretora Nasional ST-PNDS, Dulce Guterres Junior akompanha husi Administrador Postu Nitipbe, Maunuel Tolan, Chefe Suku Beneufe, Marco Col, hala’o iha Aldea Citrana, Suku Beneufe, Postu Administrativu Nitibe, Rejiaun Administrativu Ambenu Oecusse/RAEOA, 21/10/2019
Objetivo husi lancamentu primeira pedra ne’ebé halao’o iha Aldea Citrana, Suku Beneufe, Postu Adminitrativu Nitibe, Rejiaun Administrativu Ambenu Oecusse/RAEOA hodi fasilita komunidade hasae rendementu ekonomia ba Dezenvolvimentu nasionál iha suku hahu husi aldeia.
Chefe Suku Beneufe, Marco Col, Hala’o Intervensaun ba Programa PNDS Ne’ebe halo Iha Suku Beneufe, Postu Nitipbe, RAEAO.
Iha Intervesaun ho lifuan Benvindo ne’ebé hato’o husi Chefe Suku Beneufe, Marco Col nudar reprezentante komunidade Suku Beneufe hato’o agradesementu no sentimentu orgulho ba Diretora Nasional ST-PNDS, Dulce Guterres Junior hamutuk ho ekipa ne’ebé hakat ona mai vizita suku Beneufe hodi responde komunidade nia halerik, Chefe Suku Beneufe, Marco Col mos iha esperanca bot ba konstrusaun irigasaun ne’e ho objetivo bele hamoris ekonomikamente moris komunidade nia ne’ebé maioria moris ho vida agrikultura.
Diretora Nasional ST-PNDS, Dulce Guterres Junior Akompanya Husi Administrador Postu Nitipbe Manuel Tolan, Lança Premeira Pedra ba Kontrusaun Irigasaun Be’e ba Natar iha Suku Beneufe, Postu Nitipbe, RAEOA.
Iha oportunidade hanesan Diretora Nasional ST-PNDS, Dulce Guterres Junior hato’o intervensaun ho esperanca katak ho irigasaun ida ne’e komunidade Suku Beneufe ne’ebé maioria moris ho vida agrikultura tinan tinan bele halai natar dala rua kada tinan ho obejtivu bele hamenus kiak liu husi dezenvolvimentu ba rendimentu ekonimia nasional hahu husi suku no aldeia.
Diretora Nasional ST-PNDS, Dulce Guterres Junior afirma katak hamenus kiak laos ita atu fo osan ba komunidade maibe maneira saida mak ita bele hamenus kiak liu husi Dezenvolvimentu bazika ne’ebé komunidade bele sente no sai benifisiante direita hodi hasa’e rendementu ekonomia nasional komunidade nia, Diretora Nasional ST-PNDS haktuir katak hamenus kiak mak oinsa ita ajuda komunidade hodi hetan assesu Estrada no be’e mos katak, se komunidade iha assesu ba transporte publiku, entaun komunidade bele lori produto local ba fa’an iha merkado; hanesan mos be’e mos, se komunidade iha be’e mos entaun ita nia feto maluk sira bele utilija hodi halo servisu seluk hodi fasilita rendimentu ekonomia uma laran nia.
Konstrusaun ba irigasaun ne’ebé halo’o iha Aldea Citrana, Suku Beneufe, Postu Adminitrativu Nitibe, Regiaun Administrativu Ambenu Oecusse/RAEOA ho orsamentu hamutuk U$ 41,000 mil ho nia naruk 1km ne’ebé mak fornese be’e ba natar hamutuk hektares 5 ho total komunidade ne’ebé hela besik hamutuk 50 ital chefe da familia mak sai benifisiariu ba irigasaun ne’e.
