Direktur Geral Ajensia Dezenvolvimentu Nasional, Samuel Marcal akompaña husi Administradór Munisipiu Liquisa, Dominggos da Conceisao inagura
Diretor Geral ADN, Samuel Marcal Akompanha husi Administrador Munisipiu Liquisa, Dominggos da Conceisao koko loke tornera bee iha Suku Dato,Aldeia Kamalehohoru.
Projetu bee mós iha Aldeia Camale hohoru, Suku Dato, Munisípiu Liquisa, (01/07/2016.
Diretór Geral Ajensia Dezenvolvimentu Nasionál, Samuel Marsal iha nia intervensaun hateten Inprinsipiu ita hotu hakarak kontinuasaun bee nee nia utulizasaun too tempu ne’ebé naruk, tanba nee komunidade tenke iha konsensia hodi kuidadu bee nee bele dura iha tinan naruk.
Iha oportunidade nee, Samuel Marcal husu atu SAS no Autoridade Lokal sira atu nafatin halo kontrola hodi bele fornese bee ba ema hotu ne’ebé hela iha areia refere hetan.
Diretor Geral ADN,akompanha husi labarik kiik iha Aldeai Kamalehohoru tesi pita, simbolu inagurasaun ba bee mos neebe kontrui iha Aldeia refere.
Nune mos Administradór Munisípiu Liquisa, Dominggos da Conceisao, iha nia intervensaun dezafia komunidade nia kontribuisaun atu garante sustensabilidade kontinua saun utulizasaun bee nee nafatin tanba komunidade laos mak aldea ida nee no komunidade barak iha aldeia seluk mos iha direitu atu hetan asesu ba kondisaun infraestrutura báziku.
Iha oportunidade nee mos, Chefe Unidade Operasional Programa PNDS, Rosito Guterres, ne’ebé reprejenta Diretora PNDS hateten entermos implementasaun PNDS halo koordenasaun husi nivel nasionál to’o iha munisípiu hodi tau atensaun liu husi asistensia ba implementasaun projetu bee mós atu bele asegura kualidade obras ne’ebé diak.
Rosito Guterres reforsa mos katak Oinsá bee nee atu funsiona nafatin, komunidade presiza halo koordenasaun ho autoridade lokal sira atu bele halo operasaun no manutensaun kontinua lao hodi nafatin fornese bee ba komunidade. Projetu nee rasik konstrui ho orsamentu KTI no hetan asistensia téknika husi tékniku PNDS.
