Aprejentasaun Diretora PNDS, Dulce Guterres Junior iha enkontru Konsultivo Diretores Gerais no Nasional Iha Ministerio Administrasaun Estatal
Enkontru konsultivo nivel Diretores Gerais no Nasional neebe halao iha Ministerio da Administrasaun Estatal hanesan
Diretora PNDS, Dulce Guterres Junior Halao Aprejentasaun konaba Auto Avaliasaun Pre no Post Avaliasaun neebe uja iha PNDS
enkontru Rutina neebe sempre realiza kada fulan-fulan atu bele fahe ba malu informasaun inklui halo konsultasaun konaba programa neebe implementa husi Ministeriu da Administrasaun Estatal, enkontru ba fulan Maiu halao iha( 09/06/2016)
Ministru da Administrasaun Estatal, Deonisio Babo iha nia intervensaun hateten inportante duni ita persija hatene konaba aproveitamentu pesoal fungsionariu sira bainhira remata formasaun, atu nunne bele hadiak kualidade servisu, tanba estado gasta ona osan barak hodi kapasita fungsionariu, nunee obrigasaun mak tengki hare didiak oinsa aproveitamentu pesoal fungsionariu nian bainhira remata formasaun.
Koalia konaba ba aproveitamentu neebe fungsionariu ida tengki atinji wainhira remata formasaun ruma, ba dala uluk aprejentasaun mai husi Institutu Nasional Administrasaun Publika neebe responsabliza formasaun ba fungsionariu hotu husi Ministeriu tomak, husi aprejentasaun Diretor Geral INAP, nota katak mayoria fungsionariu sira seidauk iha aproveitamentu neebe diak wainhira sira remata tuir formasaun ruma tanba dala barak area treinamentu neebe ofrese ba sira la tuir area servisu neebe sira haknaar ba.
Ministru da Administrasaun Estatal, Denisio Babo halo Intervensaun iha enkontru Konsultivo Diretores Gerais no Nasional, iha salaun enkontru MAE
Iha oportunidade Segundo neebe, aprejenta husi Diretora PNDS, Dulce Guterres Juniar katak avaliasaun neebe halo iha Sekretariado PNDS uja auto avaliasaun Pre no Post avaliasaun, neebe halo antes pesoal funsionariu ida tuir treinamentu no depois remata treinamentu atu nunee ita bele sukat, pesoal fungsionariu refere nia aproveitamentu iha area neebe nia haknaar ba iha nia servisu fatin.
PNDS hanesan Sekretariado Tekniku neebe simu knaar hodi implementa programa komunitariu nee hodi konsentra desenvolvimentu iha baze ba infraestrutura basiku komunidade nian. Iha enkontru parte lokoraik, tekniku PNDS aprejenta mos relatoriu konaba preliminariu teknikal auditoria ba daruak neebe halo husi ekipa Independente Internasional atu bele halo komparasaun ho rejultado auditoria primeiru iha tinan 2015.
Plano ba tinan 2017 Sekretariado Tekniku PNDS sei simu tan knaar foun hodi implementa programa retornu ekonomiku basiku, nune iha oportunidade enkontru konsultivo nee, Direktora PNDS hamutuk ho tekniku PNDS aprejenta mos draff ou esbosu neebe sei uja hanesan baze hodi implementa programa retornu ekonomiku basiku. husi aprejentasaun nee hetan apresiasaun positivo husi Ministru katak draff neebe PNDS prepara diak ona no ita sei halo esforsu tomak atu aloka orsamentu iha tinan ano fiscal 2017 hodi bele implementa programa nee.
