Programa PNDS hetan prezente di’ak iha loron natal 2014, tanba iha loron ida ne’e Sekretariadu Tékniku PND Shetan informasaun kona ba rejultado selesaun prémiu husi organizasaun Nasaun Unidas ba servisu publika/United Nations Public Service Award (UNPSA) katak programa PNDS hakat ba selesaun segundu ronda hodi kontinua konkore iha UNPSA
Diretor Ezekutivu FONGTIL, Arsenio Pereira da Silva, liu husi email nomeia PNDS ba UNPSA
Iha fulan Outubru 2014 liu ba, FONGTIL hanesan órgaun sumarina ba NGOs iha Timor Leste tantu NGO nasionál nomós NGO Internasional, ofisiálmente kandidata programa PNDS ba iha Nasaun Unidas para atu bele kompete. Rezultadu hosi aplikasaun ne’e pozitivu tebes no hetan responde ne’ebé di’ak husi ekipa komisaun tanba nomeiasaun PNDS liu ona selesaun primeiru ronda no hakat ba segunda ronda.
Liu husi via email ne’ebé komisaun ba eventu ida ne’e haruka mai iha Diretór Jeral Dezenvolvimentu Lokál, Sr. Miguel Pereira de Carvalho, katak komisaun ida ne’e hato’o agradesimentu ba governu Timor Leste tanba bele partisipa iha eventu ida ne’e no sira kongratula ba Timor Leste tanba Programa PNDS liu iha primeiru ronda hodi hakat ba segunda ronda.
Iha segunda ronda, komisaun ba eventu ida ne’e sujere atu ita bele kompleita dokumentus apoiu hirak ne’ebé forte no sai hanesan Indikador susesu programa PNDS ninia ne’ebé implementa iha Timor Leste, dokumentus apoiu hirak ne’e mak hanesan karta referénsia husi organizasaun ka ajénsia nain 2 ne’ebé koopera iha programa PNDS, informasaun Relasiona ho PNDS ne’ebé fó sai iha jornál nomós planu implementasaun PNDS iha territóriu, dokumentus hirak ne’e governu Timor Leste sei haruka ba iha komisaun UNPSA iha nova Yorke-Amerika, mais tarde 20 Janeiru 2015.
UNPSA hanesan organizasaun husi Nasaun Unidas ne’ebé mak fó rekonesementu ba nasaun hotu iha mundu ne’ebé mak iha kreatividade hodi luta maka’as ba servisu dezenvolvimentu nasaun laran, espera katak programa PNDS hanesan mós kreatividade governu Timor Leste hodi lori dezenvolvimentu nasaun ba iha futuru ne’e di’ak liu tan.
