Hametin no Fortifika Kordenasaun Lina Seitoral Iha PNDS

PNDS hanesan programa integradu ne’ebé mak inklui seitor hotu. Sekretariadu Tékniku PNDS hala’o sorumutu hodi hametin no fortifika lina

Olderico Lopes, hanesan diretor interino operasional PNDS apresenta mudansa politika PNDS ba membru GTTIM

Olderico Lopes, hanesan diretor interino operasional PNDS apresenta mudansa politika PNDS ba membru GTTIM

kordenasaun entre seitoral iha programa nasionál dezenvolvimentu suku, iha Timor Plaza-Dili, 21/11/2014.

Sorumutu kordenasaun ida ne’e importante tebes tanba bele halo avaliasaun ba servisu hamutuk entre seitoral iha PNDS ne’ebé akontese tantu iha nivel nasionál nomós sub-nasionál.

Miguel Pereira de Carvalho, hanesan Co-Chefia-Diretór Geral Dezenvolvimentu Lokál, iha ninia lia mak loke hatete katak : “Enkontru ida ne’e importante tebes tanba ita bele hametin liu tan liña kordenasaun entre seitor hotu hahú husi nivel nasionál to’o iha sub- nasionál”.

Ministériu Estatál hanesan mós ezekutivu programa PNDS, iha enkontru ne’e alende atu hametin liña kordenasaun entre seitoral, ekipa tékniku husi  PNDS atualiza mós progresu PNDS ne’ebé ligadu ho seitor relevantes  ne’ebé akontese iha rai laran  atu nune’e  seitor hirak ne’e bele hatene katak PNDS hanesan programa integradu ne’ebé involve ministériu hotu.

Seitores relevantes orgullu tebes ho atividade ne’e tanba alende hatene kona ba progresu PNDS sira mós kontente tanba iha PNDS bele responde difikuldade komunidade ninia ne’ebé mak konklui seitor hotu.

Jasinto Gusmao, hanesan Diretor Geral SEFOPPE hatete katak : “kordenasaun seitoral too iha nivel baze  importante tebes tanba

Partisipantes enkontru GTTIM intresante tebes hodi rona apresentasaun husi ekipa tekniku

Partisipantes enkontru GTTIM intresante tebes hodi rona apresentasaun husi ekipa tekniku

bele evita duplikasaun programa”. Nia sujere katak difikuldade dezenvolvimentu ne’ebé komunidade enfrenta presiza intrega hotu ba PNDS, tanba liu husi PNDS komunidade rasik mak sei deside, planea no implementa atu nune’e bele responde lalais difikuldade ne’ebé sira enfrenta.

Iha enkontru ne’e seitor relevantes husi SAS sujere katak : “Konstrusaun projetu hotu ne’ebé implementa presiza hare didi’ak kona-ba standarizasaun dezeñu ne’ebé define ona husi kada ministériu, atu nune’e projetu seitores relevantes hotu ne’ebé responde husi PNDS iha nivel suku bele rezulta kualidade ne’ebé di’ak no uza ba tempu naruk”. Martinho Nahak, Reprezentante husi Servisu Agua e Saniamentu (SAS).

Iha enkontru kordenasaun ne’e maizumenus ema 30 resin mak partisipa, kompostu husi Diretór jerál no diretór naionais hirak ne’ebé mak involve iha grupu travalho tékniku inte-ministerial, hanesan Ministériu Estatál, Finansas, Edukasaun, Saúde, Agrikultura, Obras Publika, SAS, Solidariedade Sosiál inklui SEFOPPE no Ministériu relevante sira seluk.

Espera katak liu husi enkontru koordenasaun  bele hametin no fortifika liután liña kordenasaun husi nivel nasionál too iha baze atu nune’e dezenvolvimentu iha nivel aldeia no suku bele la’o ho susesu.