Programa Nasionál Dezenvolvimentu suku hanesan programa ne’ebé enkoraja ema hotu atu partisipa iha dezenvolvimentu, tantu feto, ferik, katuas, juventude, inklui ema ho defisiente. Iha suku Manapa Postu Administrativu Cailaco, no suku Tapo Tas Postu Administrativu Bobonaro, Munisípiu Bobonaro, feto sira iha vontade maka’as hodi partisipa iha servisu konstrusaun.
Partispasaun maluk feto iha konstrusaun estrada iha Suku Tapo Tas, Bobonaro
Partisipasaun feto sira iha servisu konstrusaun, hatudu katak feto sira iha vontade no espíritu ne’ebé boot atu partisipa iha Dezenvolvimentu hodi nune’e bele alkansa dezenvolvimentu.
Komunidade husi suku Manapa espresa sira nia sentimentu kontente tanba programa PNDS tama iha sira nia suku bele ajuda sira hetan servisu no hetan insentivu oituan hodi responde nesesidade báziku iha uma laran.
“Ami kontente ho PNDS tanba bele fasilita komunidade hetan servisu”. Madalena Soro, hanesan Ekipa Jestaun Suku husi Suku Manapa, Cailaco.
Iha servisu ba rehabilitasaun estrada ne’ebé hala’o indika katak barak liu maluk feto sira mak involve an hodi fó sira nia kontribuisaun atu hadi’ak kondisaun estrada iha sira nia suku, tuir Jeferino Soares Lemos, Xefe suku Manapa katak : “Komunidade Suku ida ne’e iha komitmentu atu partisipa direita iha servisu rehabilitasaun tanba estrada ida ne’e iha tempu udan difikulta tebes transporte públiku atu fasilita komunidade asesu ba merkadu”.
Maluk feto sira husi suku rua nee hatudu duni sira nia vontade no espíritu partisipasaun ba servisu rehabilitasaun estrada ne’ebé hetan
Involvimentu maluk feto iha konstrusaun sentru komunitaria multi propozitu, Suku Tutuala.
finansiamentu husi PNDS, ne’e hatudu katak atu fo susesu ba dezenvolvimentu iha rai laran, laos responsabiliza husi ema ida deit, maibé ema hotu iha responsabilidade moral atu lori dezenvolvimentu nasaun ida ne’e ba iha futuru ne’ebé diak.
