Implementasaun Pilotu PNDS Susesu

Faze pilotu PNDS nian ofisialmente ramata ona, suku hamutuk 30 mak kompletu program iha faze ida ne’e, suku hirak ne’e konstrui projetu hamutuk 75 ne’ebé mak diferente.

Sentru Komunitario, iha suku Darulete, Liquisa

Sentru Komunitario, iha suku Darulete, Liquisa

Projetu hamutuk 75 mak selesionadu, dezeñu no harii ona hosi komunidade sira. Projetu sira ne’e mak inklui sentru komunidade multi-funsaun, sistema be’e mós no saniamentu, irigasaun, ponte ki’ik, rehabilitasaun ba sentru Saudi no rehabilitasaun eskola ka aumenta sala eskola.

Projetu pilotu 75 ne’e, projetu rua, hosi suku rua ne’ebé mak diferente iha distritu Manatuto ho Ermera, sei kompleta konstrusaun la tuir oráriu ne’ebé iha tanba iha problema natureza ne’ebé afeta tebes ba sira nia prosesu, maibé sira komesa implementa no kompletu ona iha finalidade fulan ida ne’e.

Faze pilotu ne’e hili suku hamutuk 30 mak sai nu’udar suku ba dahuluk hodi implementa no kompletu siklu PNDS nian, atu nune’e rezultadu husi implementasaun ida ne’e bele sai hanesan referénsia ba suku hotu atu bele ba nati tuir sistema no prosedimentu implementasaun projetu PNDS nian ne’ebé mak iha.

PNDS implementa fazeadmente fahe ba faze tolu, atu nune’e programa ne’e bele jere ho diak. Faze ba dahuluk komesa ona ho konstrusaun, faze daruak sei prepara planu detallu ba sira nia projetu, no faze ba datoluk foin komesa ho sosializasaun iha nivel Suku ho Aldeia, no forma ekipa Jestaun suku.

Suku 30 hosi faze pilotu sei junta hamutuk ho faze datoluk nian, no hahú fali ho siklu anuál PNDS foun. Agora, suku tomak iha territóriu Timor Leste involve no implementa ona programa PNDS.

PNDS fornese ‘menu’ ida hosi projetu infraestrutura báziku ne’ebé mak komunidade sira bele hili rasik hodi konstrui. Komunidade sira hetan enkoraja atu hili infraestrutura ne’ebé mak sei fó  benefísiu ba suku tomak, inklui feto, mane, ferik-katuas, juventude nomós maluk sira ho defisiénsia sira.

Komunidade sira iha faze pilotu nian konstrui ona sentru komunidade multi-funsaun, sistema be’e hamutuk 13 (sistema be’e gravidade, tanke ka torneira sira) no ponte hamutuk 12, nomós projetu sira seluk..

PNDS sei kontinua atu aprende no meillora liu tan sistema no prosesu PNDS nian bainhira programa tinan-walu nian kontinua.

Fotografia uluk no agora nian, hosi konstrusaun projetu pilotu PNDS nian

Projetu PNDS nian selesiona, konstrui no mantein hosi komunidade.

Suku Hoholau konstrui ponte ki’ik ida (US$ 22,186) no sentru komunidade ida (US$ 17, 313)

Suku Darulete konstrui sentru komunidade rua, kustu US$ 19, 658 no US$ 19,688

Haree liutan fotográfia hosi projetu ne’ebé mak kompleta ona no prosesu PNDS nian.