Ministru Administrasaun Estatal, Tomás do Rosario Cabral, ofisialmente tesifita ba Inagura Kapela Nossa Senhora Rainha do Rosario suku Uabubo, postu Ossu.
Reprezentante Governu Ministru Administrasaun Estatal, Tomás do Rosario Cabral ne’ebe reprezenta Governu inagura Kapela Nossa Senhora Rainha do Rosario, iha inagurasaun ne’e akompaña husi Sekretariu Ezekutivu PNDS, Amandio Paulino Gastão do Rosário de Sousa, Presidente Autoridade Munisipiu Viqueque, Fransisco Cruz Simões de Gonzaga Soares, Reverendisimu Bispu Dioseza Baucau, Don Leandro Maria Alves hamutuk Sarani suku Uabubo inagura Kapela Nossa Senhora Rainha do Rosario iha suku Uabubo, Postu Ossu, Munisipiu Viqueque.
Reverendísimu Bispu Dioseze Baucau, Dom Leandro Maria Alves, selebra misa hamutuk ho sarani suku Uabubo.
Konstrusaun Kapela Nossa Senhora Rainha do Rosario implementa liu husi Programa Nasional Dezenvolvimentu Suku tinan 2024 ho total orsamentu ba konstrusaun kapela ne’e $$62,306.00 alende ne’e mos hetan apoiu finanseiru husi sarani suku Uabubo.
Ministru Administrasaun Estatal asina plaka ba Konstrusaun foun ba Ensinu Basiku Central 01 Viqueque no Ensinu Basiku Central 09 Uaimori.
Iha inagurasaun ne’e sarani suku Uabubo oan haksolok no kontente inaugura Kapela Nossa Senhora Rainha do Rosario, ne’ebé mak lori tempu naruk no ohin loron bele inaugura ona, nune’e sarani sira bele halibur malu hodi hahi Maromak liu husi selebrasaun missa.
alende inagura Kapela mos halo misa Eukaristia santa ida ne’e prezide husi Reverendísimu Bispu Dioceze Baucau Dom Leandro Maria Alves hamutuk ho Padre selebrante sira. Iha seremonia ne’e Reverendísimu Bispu Dioceze Baucau, Dom Leandro Maria Alves fo mós Sakramentu Krisma ba sarani hamutuk na’in-172.
Iha inagurasaun ne’e mos Ministru Administrasun Estatal asina mós plaka ba Konstrusaun foun ba Ensinu Basiku Central 01 Viqueque no Ensinu Basiku Central 09 Uaimori ne’ebé mak finansia liu husi Programa Dezenvolvimentu Intergradu Munisipál (PDIM) Viqueque.
Serimónia ne’e hetan partisipasaun maka’as husi parte interesada prinsipál oioin, inklui Xefe Gabinete do MAE, Benigno H. da Cruz, Prezidente Autoridade Munisípiu Viqueque, Veteranu, Sekretáriu Ezekutivu PNDS, Diretór Jerál no Diretór Nasionál MAE, Xefe Departamentu, Diretór Servisu Munisipais, Komandante PNTL Viqueque, reprezentante F-FDTL, Xefe Suku no Aldeia, Lia-nian nomós Komunidade Aldeia 6 husi Suku Uabubo.
