Prezidente Autoridade Munisipiu Ainaro, Manuela Georgina Carmo Bucar Corte Real ne’ebe avertura Formasaun kona-ba Plataforma Sistema IDA.
Ekipa Sekretáriu Tekniku Programa Nasional Dezenvolvimentu Suku Realiza Formasaun Plataforma Sistema IDA ba funsionariu PNDS iha Munisipiu Ainaro ne’ebe iha formasaun refere hala’o iha salaun enkontru Munisipiu Ainaro.
Formador husi ST-PNDS halo aprezentasaun ba partisipante sira.
Iha Munisipiu Ainaro rasik atividade Formasaun Plataforma Sistema IDA ba funsionariu PNDS ne’e avertura husi Prezidente Autoridade Munisipiu Ainaro, Manuela Georgina Carmo Bucar Corte Real Akompaña husi Chefe Departementu Implementasaun, Marito da Silva Alves no DSMA PNDS, João Paulo de Braz C. Corte Real.
Sekretáriu Ezekutivu PNDS, Amandio Paulino Gastão Do Rosário De Sousa, observa Formasaun Plataforma Sistema IDA.
Prezidente Autoridade Munisipiu Ainaro, Manuela Georgina Carmo Bucar Corte Real, ne’ebe avertura atividade formasaun ne’e hatete, Formasaun kona-ba plataforma sistema IDA ne’e foun ba Programa Nasionál Dezenvolvimentu Suku, Sistema plataforma “IDA” ne’e importante tebes tanba nia bele hamosu transparénsia no akuntabilidade di’ak liu iha jestaun fundu PNDS nian.
Formador hanorin oinsa uja material elektronik tablet ba partisipante sira.
Prezidente Autoridade Munisipiu Ainaro, mos hatutan, liu husi sistema ida-ne’e, bele halo jestaun no monitorizasaun ba projetu sira ho efisiente no efetivu liutan, hodi garante katak fundus ne’ebé aloka ba dezenvolvimentu iha suku sira atinji duni ninia objetivu. Prezidente Autoridade Munisipiu Ainaro husu ba Funsionariu PNDS sira iha Munisipiu no Postu sira tenki fokus ba formasaun ida ne’e, tanba bele melhora no kapasita tan funsionariu sira nia konesementu oinsa foti dadus inportante husi implementasaun programa PNDS nian ba iha Suku.
Partisipante sira ne’ebe partisipa iha Formasaun Plataforma Sistema IDA.
Atividade Formasaun Plataforma Sistema IDA ba funsionariu PNDS iha kada Munisipiu ne’e hetan observasaun direita husi Sekretáriu Ezekutivu PNDS, Amandio Paulino Gastão Do Rosário De Sousa, ne’ebe iha nia observasaun ne’e apela ba funsionariu PNDS Munsipiu sira hotu atu tuir
Parseiru husi DFAT no PARTISIPA ne’ebe observa formasaun Plataforma Sistema IDA.
formasaun ne’e ho seriu ho vontade ne’ebe diak hodi aprende atu nune’e bele aumenta ita bo’ot sira nia konesementu klean liu tan kona ba iha Sistema ne’e refere tamba iha futuru mai ita bo’ot sira mak se uja Sistema no insert dados ne’e rasik ba iha Sistema IDA ne’e, agradese mos ba PARTISIPA tamba bele suporta maximu ba iha Programa PNDS liu-liu ba iha formasaun Sistema PNDS IDA ne’e.
Alende ne’e mos Iha formasaun ne’e observas husi parseiru DFAT no PARTISIPA hanesan parseiru PNDS nian durante implementa programa Governu nian liu husi PNDS iha Munisipiu, Postu no Suku
Formasaun ko-naba Plataforma Sistema IDA ne’e hala’o mos iha Munisipiu sira seluk ne’ebe iha semana liu ba Munisipiu sira ne’ebe mak hala’o tena formasaun Plataforma Sistema IDA hanesan Munisipiu Lautem, Viqueque, Baucau, Manatuto, Liquisa, Bobonaro, Ermera, Dili no semana ida ne’e hala’o iha Munisipiu Aileu, Ainaro, Manufahi no Covalima tuir planu semana oin sei hala’o iha RAEOA no Administrasaun Administrativu Atauro.
Formador ba Formasaun Plataforma Sistema IDA ba funsionariu PNDS ne’e mai husi Ekipa ST-PNDS no parseiru husi PARTISIPA. formasaun ne’e rasik hala’o durante loron ha’at. partisipa iha formasaun ne’e funsionariu PNDS Munisipiu no postu administrativu.
