Sekretáriu Ezekutivu Programa Nasional Dezenvolvimentu Suku, Amandio Paulino Gastão Do Rosário De Sousa Partisipa Inagurasaun Balkaun Uniku iha Munisipiu Aileu.
Balkaun Úniku ne’ebe inagura husi Ministru Administrasaun Estatal.
Serimonia inagurasaun Balkaun Uniku ne’e rasik inagura husi Sua Exelensia Ministru Administrasaun Estatal, Tomás do Rosário Cabral hamutuk Ministru Justisa, Sérgio da Costa Hornai no Reprezentante husi UNDP iha Timor-Leste, Katyna Argueta iha Munisipiu Aileu.
Ministru Administrasaun Estatal, Ministru Justisa no Reprezentante husi UNDP iha Timor-Leste iha inagurasaun Balkaun Úniku.
Intervensaun husi Sua Exelencia Ministru Administrasaun Estatal katak, Programa IX Governu, liuhosi Ministériu Administrasaun Estatál servisu hamutuk ho parseria (UNDP), estabelese Balkaun Úniku ida iha kada munisípiu hotu iha Timor Leste. ho Objetivu Balkaun Uniku ne’e estabelese atu hamenus burokrasia, hafasil prosesu no hakbesik servisu públiku ba povu, inklui mós promove transparénsia ba sidadaun hotu-hotu.
Amu Parokia Aileu halo Bensaun iha inagurasaun Balkaun Úniku.
Balkaun Úniku ne’e fó espasu ba komunidade sira atu hetan Dokumentu legal oin-oin iha fatin ida de’it, hanesan, Sertidaun RDTL, Billete Identidade, Pasaporte no Sertidaun Rejistu Kriminál. Tuir Dekretu Lei 49/2023 hatu’ur Balkaun Úniku nu’udar servisu deskonsentradu ida iha Diresaun Jerál Simplifikasaun, Modernizasaun, no Administrasaun Lokál ne’ebé Tutela iha Ministériu Administrasaun Estatal. Nune’e mos iha DL 3/2025 iha DG-SMAL sei asegura instalasaun servisu Balkaun Úniku no halo mós jestaun ba servisu BÚ iha territoriu nasionál hotu.
Edifísiu Balkaun Úniku Aileu funsiona ho funsionáriu nain-lima (5): koordenador ida, tékniku eskritóriu nain rua, Motorista ida no limpezador ida.
Nune’e serimónia inagurasaun ne’e partisipa hosi Sua Exelénsia Ministru Ensinu Superiór, Siénsia no Kultura, José Honorio da Costa, Sua Exelénsia Vise MAE, Jacinto Rigoberto Gomes de Deus, Vise-Ministru ba Fortalesimentu Institusionál, Paul Manuel S, dos Remédios, Sua Exelénsia. Sekretáriu Estadu Asuntus Toponímia no Organizasaun Urbana, Germano Santa Brites Dias, Xefe Gabinete MAE, Prezidente Autoridade Munisipiu Aileu no Ermera, PAM Bobonaro Interinu, Representante PAM Ainaro, Diretores Jerais no Nasionais MAE, Diretores Servisus Munisipais, sosiedade sivíl, Autoridade Seguransa PNTL no F-FDTL, lider komunitáriu sira, Estudante no komunidade postu Administrativu Aileu.
