Uma Naroman ba Povo ne’ebe Inagura husi Vise Ministru MAE.
Governu liu husi Vise ministru Administrasaun Estatal, Jacinto Rigoberto Gomes de Deus Akompaña husi Presidente Autoridade Munisipiu Ermera Inagura Projetu Programa Nasional Dezenvolvimentu Suku Uma Naroman ba Povo no konstrusan Drenazen ba Siklus VI tinan 2024 iha suku Humboe, Postu Administrativu Ermera Vila, Munisipiu Ermera.
Vise ministru Administrasaun Estatal Iha Intervesaun hateten, ohin loron importante ida ba ita laos atu inaugura maibe atu entrega no prova ba Malu katak saída mak estadu nasionál fó mai iha Munisipiu, ida ne’e nia rejultadu mak ne’e né duni. I ohin imi konvida ami mai atu hare imi nia servisu, no imi nia rejultadu ida ne’e halo ami senti katak imi nia servisu ne’e lao hela, tamba programa PNDS ne’e mai husi imi sei fila fali ba imi.
Drenazen ne’ebe implementa Siklus VI tinan fiskal 2024 iha suku Hunboe.
Vise Ministru MAE mos afirma, quandu imi halo hotu hanesan ne’e hatudu katak hahu husi nai liurai EJS, fasilitador, kontabilista, Chefe aldeia, badaen no Komunidade sira hotu unidade tebes, hau lori Governu nia naran apresia no kongratula ba imi hotu, tamba desenvolvimento komesa lao ona, ne’ebé buat kiik oan ne’ebé mak fó mai ita tenki halo, mak buat bot mos sei mai, ne duni ho rezultadu ne’ebé mak imi halo sai hanesan referensia ida ba Suco sira seluk, no dala ida tan lori nuno governo nia naran hakarak hato’o parabéns no apresia tebes ba ekipa tomak nia esforsu.
Inaugurasaun ne’e hetan prezensa máximu husi entidades sira iha Munisipiu Ermera mak hanesan Presidente CCTL, Director PNDS Municipiu Ermera, Diretores servisu munisipais sira, Chefi do Suco sira ho nia estrutura, no Komunidade sira iha Suco Humboe.
