Vise Ministru Administrasaun Estatal, Jacinto Rigoberto Gomes de Deus Simbolikamnet tesifita ba inagurasaun estrada rural iha suku raheu.
Reprezentante Nono Governu liu husi Vise Ministru Administrasaun Estatal, Jacinto Rigoberto Gomes de Deus Akompaña husi Sekretáriu Ezekutivu PNDS, Amandio Paulino Gastão Do Rosário De Sousa inagura projetu PNDS Siklus VI tinan fiskal 2024 tipu projetu ne’ebe inagura rehabilitasaun estrada rural iha suku Raheu, Postu Ermera.
Estrada rural ne’ebe implemnta liu husi PNDS Siklus VI.
Iha inagurasaun ne’e Vise Ministru Administrasaun Estatal, agradese tebes tanba projetu Estrada sai hanesan dezenvolvimentu ida no importante tebes tamba ne’e Governu nia dever atu hadia no dezenvolve ho kualidade, atu fo kualidade ne’e tenke mai ho konsiensia, koletivo ema hotu nian, laos ema ida nian deit.
Vise Ministru Administrasaun Estatal mos hatutan katak
Vise Ministru Administrasaun Estatal, entrega Sertifikadu ba chefe suku Raheu.
orsanmentu ne’ebe fo mai imi orsanmetu ne’ebe ki’ik maibe imi jere ho laran ho domin to’o implementasaun Estrada ida ne’e bele inagura ona, benefisiu ba komunidade sira. apresia tebes ba imi nia komitmento ho kolaborasaun ba dezenvolvimeto ida ne’e, fiar katak Suku Raheu sedu ou tarde sei sai Suku dezenvolvido.
Sekretáriu Ezekutivu PNDS, entrega sertifikadu apresisaun ba ekipa PNDS.
Iha fatin hanesan Autoridade lokal suku Raheu hateten, agradece tebes ba IX Governu liu ho MAE liu husi PNDS konesege rezolve ona problema povu nian haree liu ba infraestrutura baziku chefe suku mos orgullu tebes tanba Vise Ministru MAE ho Sekretáriu Ezekutivu PNDS ohin loron hamutuk ho ami komunidade iha Suku ida ne’e hodi halao inagurasaun ba estrada rural iha Suco Raheu, Aldeia Sosoher, agora dadauk ita inagura. Aleinde ne’e Ami Autoridade komunitariu hamutuk ho komunidade hakarak ba tinan oin Programa PNDS tenki kontinua nafatin ho nia planu ne’ebe diak bele responde nafatin komunidade sira iha areas rurais nia problema hanesan Bee moss, estrada, Kapela, Eskola no Ponte programa sira ne’e hotu sai prioridade ba komunidade sira ne’ebe iha areas rurais territoriu Timor Leste espesifikamente iha suku ida ne’e.
Estrada rural ne’ebe rehabilita iha Suku raheu ho orsamentu husi Governu ho montatnte $44.500.00 ne’ebe implementa rasik husi komunidade ho durasaun servisu fulan tolu ho distansia 700 metru.
Partisipa iha serimónia inaugurasaun ne’e, Administrador Postu Ermera, Sekretariu Munisipais no Diretores Servisus Munisipais, Comandante PNTL Esqudra Ermera, Xefe Suku no Komunidade.
