Estrada ne’ebe observa husi Sekretáriu Estadu Dezenvolvimentu Lokál, Mateus W. dos Santos Tallo, iha Suku
Sekretáriu Estadu Dezenvolvimentu Lokál, Mateus W. dos Santos Tallo ne’ebe akompaña husi Diretor Servisu Munisipiu Apoiu PNDS Bobonaro, Rosario Mali dos Santosm, no ekipa halo monitorizasaun direta ba projetu PNDS ne’ebe implementa iha Suku Holsa no Suku Malilait Postu Administrasaun Maliana Villa, Munisipiu Bobonaro.
Sekretáriu Estadu Dezenvolvimentu Lokál, Vizita Konstrusaun Uma Pessoal Saude.
Objetivu husi observasaun konjunta ne’e bazeia ba despaixu husi Ministériu Administrasaun Estatal atu hare rasik ho matan progresu implementasaun projetu PNDS ne’ebe implementa atinji ona persentu hira no projetu sira ne’ebe finaliza ona hodi aprezenta ba Ministru Administrasaun Estatal.
Projetu ne’ebe Sekretáriu Estadu Dezenvolvimentu Lokál observa iha suku Holsa maka ne’ebe agora da-dadun lao perfurasaun Be’e Mos ne’ebe tama ba projetu audisional ho montante orsamento $71,878.57. ne’ebe progresu fiziku atinji ona 58%. alende ne’e mos Sekretáriu Estadu Dezenvolvimentu Lokál mos halo observa ba projetu PNDS iha Suku Malilait rehabilitasaun estrada rural ho distansia 200 M, iha Aldeia Taimea ne’ebe atinji ona 100% ho montante orsamentu ba projetu refere $44,000. no hein deit halo inaugurasaun iha tempu badak.
Iha fatin hanesan Sekretáriu Estadu Dezenvolvimentu Lokál kontinua observa ba Projetu PNDS Siklus VI ba Konstrusaun Uma Pessoal Saude, iha Suku Maliana Villa, Postu Administrativu Bobonaro, ne’ebe ho orsamento $39,500.00 ho ninia progresu fiziku atinji ona 95%. iha observasaun ne’e hetan akompaña husi Diretor Servisu Munisipiu Apoiu PNDS Bobonaro hamutuk ekipa Tekniku PNDS Munisipiu Bobonaro, Autoridade Lokal no komunidade suku refere.
