Rehabilitasaun Kapela iha suku Builo, Postu Administrativu Ossu.
Sekretáriu Ezekutivu PNDS Amandio Paulino Gastão Do Rosário De Sousa, observa direta progresu Projetu Audisional Rehabilitasaun Kapela iha Suku Builo, Postu Administrativu Ossu, Munisipiu Viqueque.
Sekretáriu Ezekutivu PNDS Amandio Paulino Gastão Do Rosário De Sousa, observa Rehabilitasaun Kapela Builo.
Alende halo observasaun ba projetu audisional rehabilitasaun Kapela Sekretáriu Ezekutivu PNDS mos halo soromutu ho funsionariu PNDS Postu Administrativu Ossu atu hatene liu tan difikuldade ne’ebe ekipa sira hetan wainhira implementa projetu audisional rehabiltasaun Kapela iha Suku Builo ne’e. rehabilitasaun Kapela refere ho montante orsamentu total : $48,733.00
Sekretáriu Ezekutivu PNDS mos husu ba ekipa sira atu tau matan no servisu hamutuk ho komunidade sira para bele finaliza projetu adisional ne’ebe iha prosesu implementasaun, tanba tempu mos limitadu.
atu nune’e Sekretáriu Ezekutivu PNDS nafatin apela ba funsionariu PNDS Postu sira organiza komunidade autoridade komunitariu no veteranus sira iha Suku Builo tenki akumula ideias hamutuk atu nune’e Kapela ne’e tenki remata iha data ne’ebe mensionadu ona husi rehabilitasaun Kapela Builo, ida ne’e maka ita hotu esforsu bele lori progresu ba ita nia Suku no sai ezemplar ba Suku no Postu seluk katak ita mos prontu dezemvolve ita nia Suku ho Vontade, responsabilidade.
Rehabilitasaun Projetu audisional Kapela Builo ne’e ho montante orsamentu $48,733.00. Vizita iha terenu ida ne’e hetan akompañamentu husi Kordenador PNDS- Postu Ossu, Xefe Suku Builo no Enjeñeiru ofisial PNDS Postu Ossu Inklui komunidade sira.
