Vise Ministru Administrasaun Estatal, Jacinto Rigoberto Gomes de Deus ne’ebe Akompaña husi Sekretariu Ezekutivu PNDS no Presidente Autoridade Munisipiu Manufahi.
Vise Ministru Administrasaun Estatal, Jacinto Rigoberto Gomes de Deus ne’ebe Akompaña husi Sekretariu Ezekutivu PNDS, Amandio Paulino Gastão Do Rosário De Sousa inagura projetu postu sisca ne’ebe implementa husi Programa Nasional Dezenvolvimentu Suku.
Seremonia inagurasaun ba projetu Postu Sisca ne’ebe implementa husi PNDS iha suku Fatukalo ne’e finansia husi PNDS ne’ebe implementa rasik husi komunidade Suku Fatukalo, Postu Administrativu Turiskai, Munisipiu Manufahi.
Konstrusan Postu Sisca ne’ebe inagura husi Vise Ministru Administrasaun Estatal iha Suku Fatukalo.
Iha seremonia inagurasaun ne’e Vise Ministru Administrasaun Estatal ne’ebe reprezenta Nono Governu hatete, apresia ho servisu ekipa sira halo nia mos hatutan katak PNDS programa ida ne’ebé di’ak tebes, hari’i Postu Sisca ida ne’e bele dehan katak pertinente tebes, tanba hari’i ho fasilidade saúde ida ne’ebé maka do’ok husi postu saúde nomós postu saúde Munisípiu ni-nian.
Vise Ministru Administrasaun Estatal dehan katak, Hanesan membru Nuno Governu, kontente, orgullu no apresia tebes ba imi, tanba mezmu que imi hela iha fatin ne’ebé mak izoladu, imi moris armónia no unidade, Ha’u bele dehan katak imi servisu fo liman ba malu, Ha’u ko’alia ida ne’e tanba Ha’u liga kedas ba programa PNDS nian, ne’ebé Ha’u observa no nota katak, iha suku ida ne’e Ha’u seidauk rona no haree laiha programa ida mak imi abandona, maibé hatudu katak mezmu que programa ne’e mai husi leten, maibé inisiativa no prioridade imi mak deside osan mai husi leten i servisu imi mak halo rasik, tanba hakarak dezenvolve ita-nia rai, ne’e duni Ha’u lori Governu nia naran, agradese ba partisipasaun komunidade sira nian no agradese mós ba Xefi Suku, Veteranus, Komunidade no ekipa Jestaun Suku sira iha Suku Fatukalo.
Enkuantu, iha seremonia inagurasaun ne’e marka prezensa husi Presidente Autoridade Munisipiu MAnufahi, Komadante PNTL Eskuadru Postu Turiskai, Sekretariu Munisipiu, Chefe Suku no Komunidade Suku Fatukalo.
