Sekretáriu Estadu Dezenvolvimentu Lokal, Mateus W. dos Santos Tallo, abertura Reuniaun hamutuk ekipa PNDS.
Sekretáriu Estadu Dezenvolvimentu Lokal, Mateus W. dos Santos Tallo, ne’ebe reprezenta Ministru Administrasaun Estatal partisipa iha reuniaun hamutuk Sekretariu Ezekutivu PNDS, Diretor/a Servisu Munisipiu Apoiu PNDS 13 inklui RAEOA no iha salaun VIP MAE.
Sekretáriu ezekutivu, Amandio Paulino Gastão Do Rosário De Sousa Partisipa iha Reuniaun Hamutuk SEDL.
Objetivu husi reuniaun ne’e atu haré fila fali dadus Projetu PNDS tinan 2021-2022 ne’ebe aloka ba suku sira maibe Projetu la implementa, tanba estrada ladiak, Be’e mos laiha no la iha asesu ba eletrisidade.
Enkontru ida ne’e mos realiza bazeia ba desizaun husi Konseillu de Ministrus no despaixu husi Ministériu Finansas hodi halo atualizasaun detaillu konaba ezekusaun orsamentu PNDS nian ne’ebe aloka ona ba kada suku, ne’ebe agora tama iha lista devolusaun tuir desizaun Konsellu de Ministrus (KM).
“Reuniaun alargada ba loron ohin, hetan ona aprezentasaun husi Diretor/a Servisu Munisipiu Apoiu PNDS sira, no konsegue verifika orsamentu ho montante ne’ebe fiksu, atu devolve fali ba kofre Estadu nian tuir desizaun Konseillu de Ministrus no Ministériu Finansas”, tuir SEDL wainhira enkontru alargada ne’ebe hala’o iha Salaun VIP MAE.
Diretor/a Servisu Munisipiu Apoiu PNDS ne’ebe partisipa reuniaun iha salaun VIP MAE.
Ministru Administrasaun Estatal interinu ne’e informa katak; kategoria orsamentu ne’ebe aloka ba PNDS ita hatene iha tipu rua maka hanesan: Fundu Infraestrutura no fundu apoiu operasional servisu PNDS nian.
Osan operasional ne’ebe sei devolve ba kofre estadu, ho Montante U$1,065,287.83. no san Jurus ba Infraestruturas ne’ebe sei devolve ba kofre estadu, ho Montante U$196,629.81.
Osan ba Infraestrutura ne’ebe sei fo fila, tanba labele implementa Projetu ho Montante U$281,249.00. tanba ne’e total osan maka U$1,543,166.64, Orsamentu sira ne’e kobre husi Munisípiu 13 Inklui RAEOA
Iha fatin hanesan, Sekretáriu Ezekutivu PNDS, Amándio Paulino konfirma katak, sorumotu ida ne’e importante tebes, relasiona ho desizaun husi Konseillu de Ministrus ho Ministériu Finansas nian, ne’ebe husu ba Sekretariadu Tekniku PNDS atu halo indetifikasaun ba Projetu PNDS ne’ebe lao iha Tinan 2021 no 2022, sira ne’ebe la Lao tenke devolve fali osan sira ne’ebe transfere osan ba konta suku nian.
“Ohin Ita konsege verika duni osan sira ne’ebe atu devolve fali ba iha kofre estadu, ho razaun tanba tinan hirak nia laran, Projetu la lao,”dehan Sekretáriu PNDS, Amándio Paulino. Partisipa mos iha enkontru ida ne’e; DSMA Servisu Munisipal PNDS inklui RAEOA, Dirijentes sira iha PNDS no tékniku sira husi PNDS.
