Vise Ministru Administrasaun Estatal, Jacinto Rigoberto Gomes de Deus, loke torneira Be’e mos iha Suku Baboeleten.
Ministeriu Administrasaun Estatál, liu husi Vise Ministru Administrasaun Estatal, Jacinto Rigoberto Gomes de Deus ofisialmente inagura projetu Programa Nasionál Dezenvolvimentu Suku no Programa Dezenvolvimentu Integradu Munisipal ne’ebe implementa iha Suku Baboeleten no Suku Parami.
Uma Naroman ba Povo ne’ebe hetan Inagura husi Vise Ministru Administrasaun Estatal.
Iha intervensaun, Sua Eselénsia Vise MAE apresia no hato’o parabens ba emprezariu Lokál no nasionál, Xefi Suku, Konsellu Suku no Populasaun sira iha suku rua ne’e “Ohin Ha’u mai iha ne’e la’ós atu inaugura, maibé atu hare’e fasilidadade sira ne’e hotu ona ka lae, di’ak ona ka lae, povu kontenti ona ka lae, ida ne’e mak atu entrega ona ba komunidade sira, no hakarak atu husu ba komunidadae sira Be’e-Mos to’o hotu ona ba komunidade sira ka lae. Vise Ministru Administrasaun Estatal mos husu ba komunidade sira atu uza fasilidade sira ne’e ho kuidadu, atu nune’e bele uza iha tempu naruk nia laran”.
Irigasaun Be’e ne’ebe implementa husi Programa Dezenvolvimentu Integradu Munisipal iha Suku Parami.
Alende ne’e, mos Vise MAE, hateten, ninia prezensa iha suku Parami, hanesan primeiru vizita no vizita ofisial, hodi entrega fasilidadae sira ne’e ba komunidade “Uza halo di’ak no kuidadu, tamba projetu hirak ne’e halo husi imi no sei fila fali ba imi mak sei uza. Ha’u hakarak hato’o ha’u-nia apresiasaun no orgullu bo’ot tebes ba kontribuisaun husi Prezidente CCI-TL, Emprezariu sira no Kompañia ne’ebe kaer obra ne’e ho fulan hira de’it no apresia bo’ot tebes mós ba Xefi suku Parami”.
Molok hakotu intervensaun, Sua Eselénsia Vise MAE parabeniza mós Konsellu Suku no Engiñeiru sira, tamba ho sira-nia kontribuisaun hodi projetu sira ne’e la’o ho di’ak no kualidade.
Implementasaun projetu ne’ebe implementa liu husi Programa Nasionál Dezenvolvimentu Suku iha suku Baboeleten Estrada Betaun, Uma Naroman ba Povo no Be’e Mos no Implementasaun ba Projetu ne’ebe Implementa liu husi Programa Dezenvolvimentu Integradu Munisipal iha Suku Parami Irigasaun Be’e.
Enkuantu, iha seremónia inaugurasaun ne’e marka prezensa husi Prezidenete Autoridade Munisípiu Ermera, Administradór Postu Atsabe, Komandante PNTL Eskuadra Atsabe, Xefe Suku, Diretor PNDS Nasionál, Diretor Jerál Desentralizasaun no Governu Lokál, Diretor Jerál Dezemvolvimentu Lokál, Prezidente CCI-TL Munisípiu Ermera, Diretor PDIM no Enjiñeiru sira, Diretor SMASA, Diretor Obras Públiku Munisípiu Ermera no Komunidade.
