Ministru Administrasaun Estatal, Tomás do Rosário Cabral, konvoka reuniaun ho ekipa PNDS.
Ekipa PNDS rona orientasaun husi Ministru Administrasaun Estatal.
Sua Exelénsia Ministru Administrasaun Estatal, Tomás do Rosário Cabral, konvoka reuniaun ho ekipa PNDS ho objetivu atu atualiza progresu ezekusaun no progresu konstrusaun projeitu 2021-2024. Alende ne’e mos atu relata servisu no planu servisu PNDS iha kada Munisipiu.
Iha reuniau ne’e Sekretariu Ezekutivu PNDS, Amandio Paulino G. do R. de Sousa ne’ebe hanesan mos lideransa masimu ba Programa Nasional Dezenvolvimentu Suku relata ba Ministru Administrasaun Estatal konaba atualizasaun no progresu servisu ba konstrusaun projetu tinan 2021-2024 no planu servisu PNDS nian depois relata ba Sekretariu Ezekutivu no Ekipa PNDS rona orientasaun servisu husi Ministru Administrasaun Estatal hodi kontinua servisu iha id-ida nia munisipiu ho rejultadu ne’ebe diak.
Sekretariu Ezekutivu PNDS, Amandio Paulino G. do R. de Sousa partisipa reuniaun iha salaun VIP, MAE.
Alende ne’e mos liu husi Sekretariu Ezekutivu, kontinua konvoka reuniaun extra-ordenario ida ho Comisaun Anti Corupsaun (CAC) hodi desemina informasaun kona-ba materia anti Corupsaun ba funsionariu servisu tékníku PNDS nasionais no munisipais iha salaun VIP MAE.
Ekipa PNDS ne’ebe partisipa reuniaun iha salaun VIP MAE.
Funsionariu servisu tékniku PNDS nia servisu importante tebes mak hala’o servisu ba desenvolvimentu iha suku, ho nune’e, importante tebes ba sira atu bele hatene materia sira no Lei sira kona-ba kriminalizasaun nune’e sira bele hatene hodi prevene corupsaun wainhira hala’o servisu iha terenu.
Tuir Direitur Jeral Prevensaun CAC, Sr.Rosario Salsina Araújo relata ba media PNDS katak, partisipante sira mai husi munisipius no nasionál materia sira ne’e béle partilla ba sira, hanesan funsionariu públiku presija hatene, ida ne’e hanesan sensibilizasaun materia CAC nian ba funsionarius hotu husi ministeriu ke presija no hakarak hatene kona-ba materia ba prevensaun Corupsaun, no CAC nia obrigasaun mak halo sensibilizasaun ba funsionariu públiku sira atu hatene regras, andamentu no Lei sira ne’ebe relasiona ho ezekusaun orsamentu Estadu nian, atu nune funsionariu sira hatene kona-ba regras sira ne’e, no sira sei evita hodi la komete ba risku corupsaun iha sira nia servisu, afirma Direitur Jerál CAC.
Entertantu, iha reuniaun ne’e marka mós prezensia husi Diretor DNEDPA, aumesmo tempu Diretor DNEDPA mos halo aprezentasaun kona ba Funsionariu Publiku nia dever no servisu tuir nia regulamentu disiplinár.
Partisipa iha enkontru ne’e DSMA 12 inklui RAEOA no Atauro, Xefe Unidade nain ha’at, engineiru munisipiu no kontabilista munisipiu.
