Konstrusaun Estrada betaun ne’ebe inagura iha Suku Fahisoi.
Reprezentante Sekretariu Ezekutivu Programa Nasional Dezenvolvimentu Suku ne’ebe reprezenta husi Diretor Nasional Patrimonia Logistika PNDS, Roger Muakandala Manuel ofisilmente inagura projetu PNDS iha Suku Fahisoi, Postu Lequidoe, Munisipiu Aileu.
Iha seremonia inagurasaun ne’e reprezentante Sekretariu Ezekutivu PNDS, hatette programa PNDS hanesan programa Governu ne’ebe implemnta liu husi PNDS iha teritoriu timor laran tomak. PNDS rasik hari’i iha tinan 2013 programa ne’e husi komunidade ba komunidade.
Sede Suku Fahisoi ne’ebe implementa husi PNDS.
eprezentante Sekretariu Ezekutivu PNDS, mos hatutan katak PNDS mos mai husi programa ida hanaran pakote referindu, PDI1 no PDI2 ne’ebe mak transforma husi programa ne’e ba iha PNDS, PNDS mosu tamba ezejiensia komunidade nian ne’ebe mak makas ba iha desenvolvimentu, entaun proposta husi komunidade barak ba iha Governo Central liu husi Primeiro Ministro hodi hare ezejinsia komunidade nian makas no orienta Ministro Administrasaun Estatal hodi hari PNDS iha 2013. Iha 2020 hamosu tan sub programa ida hanaran UKL (Uma kbit Laek) no depois iha oitavo governo mudansa dekretu lei hodi transforma UKL ba UNP (Uma Naroman Povu). Depois de 2021 ita forma ekipa ida hanaran EVV (Ekipa Verifikador Venifisariu).
Konstrusaun Uma Naroman ba Povo iha Suku Fahisoi.
Projetu Programa Nasional Dezenvolvimentu Suku ne’ebe inagura iha suku fahisoi hanesan Konstrusaun Estrada Betaun, UNP Reguler, UNP Plus A no Sede Suku, ne’ebe konstrusaun ne’e rasik ho distansia 650km ho orsamentu $38,127,59. implementa iha tinan 2023 no Inagura Rehabilitasaun Sede Suku, UNP Reguler no UNP Plus A. benefisiariu ne’ebe asesu ba estrada refere hamutuk 435 uma kain.
Partisipa iha inagurasaun projeitu kontrusaun Estrada Betaun, UNP Regular, UNP Plus A no Rehabilitasaun Sede Suku, Reprezentante Presidente Autoridade Munisipiu Aileu Xefe Gabinete PAM, Administrador Postu Lequidoe, Reprezentante Sekretariu Estadu SEFOPE Xefe Gabinete SEFOPE, DSMA Munisipiu Aileu funsionariu PNDS Munisipiu Aileu no komunidade Suku Fahisoi.
