Konstrusaun Dapur Merenda Escolar ne’ebe hetan inagura iha suku Sabuli.
Reprezentante Sekretariu Programa Nasional Dezenvolvimentu Suku liu husi Diretor Nasional Planementu no Implementasaun PNDS inagura obra konstrusaun Dapur Merenda Escolar no Konstrusaun Valeta hamutuk Plat Deker iha suku Sabuli Postu Administrativu Metinaro, Munisipiu Dili.
Konstrusaun Valeta hamutuk Plat Deker iha suku Sabuli Postu Administrativu Metinaro, Munisipiu Dili.
Projeitu kontrusaun Uma Merenda Escolar ne’e ho durasaun servisu durante fulan tolu ho orasamentu $ 21,523.00 no Valeta + Plat Deker ho orasamentu $ 27,243,00 ne’ebe projetu rua ne’e implementa iha tinan 2023.
Alende inagura projetu PNDS reprezentante Sekretariu Ezekutivu PNDS mos entrega sertifikadu hanesan apresiasaun ida ba ekipa sira ne’ebe durante fo hala’o sira nia knar ba programa governu liu husi programa Nasional Dezenvolvimentu Suku hodi hare nesidade povo nia iha baze.
Partisipa iha inagurasaun projeitu kontrusaun Dapur Merenda Escolar no Kontrusaun Valeta + Plat Deker, Administrador Posto Metinaro, Administrador Posto Vera Cruz, Administrador Posto Dom Aleixo, Diretor ADM, DSMA Munisipiu Dili, Diretor Nasional Logistika PNDS, funsionariu PNDS Munisipiu Dili no Komunidade Suku Sabuli inklui estudante escola suku sabuli.
