Sua Exelénsia Ministru Administrasaun Estatál, Tomas do Rosario Cabral, abertura Reuniaun konsellu ba kordernasaun territorial Presidente Autoridades Munisipais.
Sua Exelénsia Ministru Administrasaun Estatál, Tomas do Rosario Cabral, abertura Reuniaun konsellu ba kordernasaun territorial Presidente Autoridades Munisipais ne’ebe hala’o durante loron 2, iha Reuniaun ne’e marka presensa husi Presidentente Autorides 12 munisipius, diretores gerais, diretores nasionais, durante iha reuniaun nia laran hetan visita mos husi Sua Exelénsia
Premeiru Ministru Kay Rala Xanana Gusmão.
Presidentente Autorides 12 munisipius, diretores gerais, diretores nasionais, iha Reuniaun konsellu ba kordernasaun territorial Presidente Autoridades Munisipais.
Objetivu husi reuniaun ida ne’e atu hodi halo apresentasaun ba:
1. Planu Asaun Annual
2. Planu Orsamentu Munisipal
3. Planu Aprovizionamentu
4. Planu Formasaun Rekursu Humanus
5. Progresu Servisu Autóridade Munisipal
Iha diskursu Ministru Administrasaun Estatal, relata katak liu husi planu anual mak sei produz orsamentu ba tinan 2025, tamba orsamentu sei aprova baseia ba planu anual no planu de ezekusaun ne’ebe iha, nune’e husu ba autoridade munisipal id-ida atu komesa identifika projetu hirak ne’ebe munisipiu persija hodi enkaixa ba iha planu anual.
Sua Exelénsia Premeiru Ministru Kay Rala Xanana Gusmão, Diskursu iha Reuniaun konsellu ba kordernasaun territorial Presidente Autoridades Munisipais.
Ministru Administrasaun Estatal mos husu atu autoridades munisipal sira halo planu orsamentu ba planeamentu Urbana, hodi bele organiza id-ida nia Sidade, enkaixa mos ho projetus PNDS nian inklui familia vulneravel sira ne’ebe persija ita nia tulun, nune’e mos ho servisu agrikultura sira iha munisipiu hodi bele lao, Autoridades sira tenki hatama ba Planu aksaun annual, hodi finansia aktividade sira ne’e hodi hasae rendimentu agrikultor sira nian, Ministru Administrasaun Estatal mos husu atu hatama mos aktividade servisu komunitariu ba iha planu aksaun anual hodi hamenus violensia iha teritoriu timor laran.
Iha fatin hanesan, Premeiru Ministru Kay Rala Xanana Gusmão iha nia Diskursu katak Presidente Autoridade Munisipiu nia misaun mak importante liu Governu central hodi aselera prosesu planu desentralizasaun IX governu nian, tamba autoridade sira mak besik liu ba povu sira no hanete diak liu Munisipiu nia persija. Desentralizasaun laos ita halo hodi hatudu katak ami desentralizadu ona, maibe visaun ho misaun husi planu desentralizasaun ne’e atu lori prosesu dezemvolvimentu besik liu ba povu sira ne’ebe iha munispiu atu sira bele senti valor husi ukun rasik an no saida mak dezemvolvimentu.”
Tuir Politika IX governu nian, Planu ba Desentralizaun ba poder lokal, sai hanesan Prioridade IX governu nian, liu husi reuniaun trimestral ida ne’e sei ajuda partes relevantes hotu ne’ebe hola parte iha servisu prosesu desentralizasaun hodi halo avaliasaun no hadia ida ida nia servisu hodi bele aselera Prosesu desentralizaun iha ita nia rai.
