Sekretáriu Estadu Dezenvolvimentu Lokál, Mateus W. dos Santos Tallo, simbolikamente tesifita ba inaugurasaun Projetu PNDS.
Sekretáriu Estadu Dezenvolvimentu Lokál, Mateus W. dos Santos Tallo, inaugura konstrusaun Estrada Betaun ne’ebe tama iha Siklus 5, Siklus 6 no Uma Naroman ba Povo iha Suku Manu-Tassi, Postu Administrativa Ainaro Vila.
Sekretáriu Estadu Dezenvolvimentu Lokál, entrega savi odamatan ba benefisiariu Uma Naroman ba Povo.
Projetu ne’ebe implementa liu husi PNDS ne’e ho orsamentu ne’ebe gastus ba konstrusaun Estrada no Uma ida, liu husi faze rua ; Siklus 5 halo iha tinan 2023 nian ho distansia Setisentus Sinkuenta Metrus (750 M) valor Orsamentu Quarenta e um Mill, ($.41) Mill no kontinua iha tinan 2024 ba projetu refere ho orsamentu ba Siklus 6 ne’e, mai husi Osamentu 2024, ne’ebé finaliza ona, ho distansia Setisentus Sinkoenta (750) Metrus, valor Orsamentu Quarenta e quatru Mill, ($.44 Mill).
Konstrusaun estrada betaun ne’ebe implementa iha suku Manu-Tassi, postu Ainaro Vila.
Iha seremonia inagurasaun ne’e Sekretáriu Estadu Dezenvolvimentu Lokál,
hato’o apresiasaun ba Autoridade munisipiu Ainaro ne’ebe servisu diak tebes ho autoridade lokal no ekipa PNDS hodi bele finaliza projetu sira ne ho diak tuir tempu nebe determina. “Ita hotu hatene katak projetu sira ne’e komunidade rasik mak prioritiza tuir nesesidade sira nian,”dehan Sekretariu Estadu Dezenvolvimentu Lokál iha seremonia inagurasaun Estrada betaun.
Aleinde inagura projetu ba konstrusaun estrada rua ne’e, SEDL mós entrega Save ba benefisiariu uma naroman ba povu (UNP) Sra. Agustina da Silva, ne’ebe mak nia uma hetan estragus iha tinan kotuk husi dezastre natureza hanesan udan bo’ot. Iha fatin hanesan, Xefi Aldeia reprezenta Benefisiariu, hato’o agradesementu ba parte Governu tanba bele fó importansia boot hodi hari Fila fali uma foun, ho tipu (UNP) ne’ebe iha tinan kotuk hetan estragus husi dezastre Natural.
Iha inaugurasaun ne’e akompaña husi Presidente Autoridade Munisípiu Ainaro Sra. Manuela Georgina Carmo Bucar Corte-Real, Diretor Jeral Dezenvolvimentu Lokál, Sr. Virgilio da Costa, Diretor Nasional Apoiu Dezenvolvimentu Komunitariu, Diretor PNDS Ainaro, Komandante PNTL Esquarda Ainaro, Administradór Postu, Xefe do Suku, no Komunidade sira.
